Жауап алуды қажет ететін әңгімелер сұрақтар класына жатады. Сөйлеушінің мақсатына қарай сұрақтар әлі жауабы белгісіз (жауабын сұрақ қойған адамның өзі де білмейді) және дайын жауабы бар (сұрақ қоюшы соны тексеруді мақсат етеді) сұрақтар болып екі топқа бөлінеді.
Сұрақтардың 5 типін қарастыруға болады:
Сұрақтардың 5 типін қарастыруға болады:
Жабық сұрақтар - «иә» және «жоқ» жауаптарын ғана қажет ететін сұрақтар.
Ашық сұрақтар - белгілі бір мәселеге қатысты толық мәлімет алу үшін түсіндіруді қажет ететін сұрақтар.
Риторикалық сұрақтар - жаңа сұрақтар туғызу үшін, серігіне қажет бағыт беру үшін қолданылатын сұрақтар. Риторикалық сұрақтар жауаптарды қажет етпейді. Оларды мақсаты - шешілмей жатқан мәселелерге назар аудартып, жаңа сұрақтар тудыру.
Өтпелі сұрақтар - аяқ астынан қойылатын сұрақтар. Бұл сұрақтардың көмегімен әңгіме бағытын қадағалап отыруға, жаңа мәселелерге назар аудартуға болады.
Ойлануға арналған сұрақтар - айтылған ойларға түзетулер енгізуге, толықтыруға және түсіндіруге арналған сұрақтар. Өзара түсінісуге бағытталады.
