ЭКСПРЕСС ТӘСІЛМЕН ЗӘРДЕГІ АҚУЫЗДЫ АНЫҚТАУ.
Қажет құралдар: зәр жинайтын ыдыс, спиртовка, 4-5мл зәр, 30% сульфасалицил қышқылы, 3-5% сірке қышқылы, пробирка.
Жүкті әйелге тексеру маңыздылығын түсіндіреміз.
Әйелден зәрін стерильді ыдысқа жинауын сұраймыз.
Пробиркаға тексеруге 4-5мл зәр құямыз.
30% сульфасалицил қышқылымен сынақ жүргізу.
Пробиркадағы зәрге 30% сульфасалицил қышқылынан 6-10 тамшы тамызамыз. Егер зәрде ақуыз болса, ол лайланады не тұнба түседі.
ДИАГОНАЛЬДЫ КОНЬЮГАТАНЫ ӨЛШЕУДІ КӨРСЕТУ.
Қажет құралдар: гинекологиялық фантом, жамбас өлшегіш не сантиметрлік лента, қолғап, жаялық, сүлгі, дез. ерітінді
Жүкті әйелге тексерудің маңыздылығын түсіндіреміз және гинекологиялық креслоны дез. ерітіндімен сүртіп, таза жаялық төсейміз.
Әйелден шешініп, гинекологиялық креслоға жатады (әйел арқасымен жатады, аяқтары жамбас-сан-тізе буындарында бүгілген, арасы ашылған) және қуығын босатқаны жайлы сұраймыз.
Қолымызды тазартамыз, заралсыздандырылған қолғап киіп, әйелге көрсетеміз.
Сыртқы жыныс мүшелерін асептикалық ерітіндімен тазартамыз.
Сол қолдың І, ІІ саусақтарымен жыныс еріндерін ашып, оң қолдың бірінші саусағы ашылған, 4-5 саусақтары алақанға қарай бүгілген, 2-3 саусақтарды қынапқа енгіземіз.
Оң қолдың ІІІ саусағын сегізкөз мүйісіне жеткізуге тырысамыз (қалыпты жағдайда саусақтарымыз сегізкөз мүйісіне жетпеу керек), ал бас бармақ қасаға сүйегіне тіреледі. Осы қасағаға түйіліскен жерді белгілеп аламыз.
Осыдан кейін, белгіленген нүктені сақтай отырып, қолымызды қынаптан шығарамыз және тазартамыз. Көмекшіден белгіленген аумақты сантиметрлік лентамен өлшеуін сұраймыз. Қалыпты жағдайда диагональдық коньюгата 12,5 – 13см тең.
Тексеру аяқталды, әйелге тұрып, киінуіне болатынын айтамыз.
Қолымызды қолғаппен бірге жуамыз,
осыдан кейін қолғапты шешіп дез. ерітіндіге саламыз (бір рет қолданатын қолғапты контейнерге саламыз).
Қолымызды тазартқаннан кейін, тексеру нәтижесін құжаттарға тіркейміз.
Достарыңызбен бөлісу: |
