Жүкті әйелдерде бүйрек ауруы 7-10% жағдайда кездеседі. Жиі (10%) пиелонефрит, сирек (0,1-0,2%) гломерулонефрит анықталады. Бүйрек ауруы жүкті әйелге, әсіресе жүктілік кезіндегі гипертензия жағдайлары қосылғанда өте қауіпті. Жүктіліктің дамуына, баланың дұрыс қалыптасып өсуіне колайсыз әсер етеді, бала дамуын кешіктіреді.
Жүктілік кезіндегі бүйрек қызметінің ерекшеліктері
Жүктілік кезінде бүйректің қызметінде ерекше өзгерістер болады. Несеп жолдары, бүйрек лоханкілері кеңейіп, кейде 20-30 мм-ге дейін ұлғаяды. Бүйрек лоханкілерінің көлемі 5-10-нан 500-1000мл-ге дейін кеңейеді. Бұндай жағдай тұңғыш босанатын әйелдің оң жақ бүйрегінде жиірек байқалады. Осының салдарынан несеп жолдарының жиырылу қасиеті бұзылады. Кейбір жүкті әйелдің бүйрегі төмен түседі(нефроптоз).
Жоғарыда аталған функционалдық өзгерістер пиелонефриттің дамуына әсер етеді. Несеп жолдарының кеңеюі – босанғаннан кейін біртіндеп қалпына келеді. Сонымен қатар жүктілік кезінде бүйрек қанайналымы да өзгерістерге ұшырайды, жүктіліктің 1-ші триместрінде ұлғаяды, жүктіліктің соңғы триместрінде төмендейді.
