Жоба жұмысы Тақырып: «Салыстырмалы-тарихи талдау әдісін қолдану арқылы түрік тілі грамматикасын сипаттау»
жүктеу/скачать 148,33 Kb.
|
101 топ, Ғылыми жоба
ББЖБ 8кл Термодинамика
- Бұл бет үшін навигация:
- Жоба тақырыбы
- Жобаның мақсаты
- Жоспар: I. Кіріспе 1.1
|
Абылай хан атындағы Қазақ Халықаралық Қатынастар және Әлем Тілдері Университеті Шығыстану факультеті, Шығыс филологиясы кафедрасы Жоба жұмысы Тақырып: «Салыстырмалы-тарихи талдау әдісін қолдану арқылы түрік тілі грамматикасын сипаттау» Пән: Лингвистика теориясының салыстырмалы-тарихи эволюциялық дамуы және қазіргі танымдық концептологиялық негізді қалыптастырудағы оның рөлі. Шетел филологиясы 6В02304 (түрік тілі) мамандығы бойынша Орындаған: 101- топ: Қадырұзақова Тоғжан; Баттал Ләззат; Әбдіқай Елдос; Құнай Қарақат Тексерген: ф.ғ.к. асс.проф. Кожабекова Ш.Б. Алматы, 2022 Жоба тақырыбы: «Салыстырмалы-тарихи талдау әдісін қолдану арқылы түрік тілі грамматикасын сипаттау». Жобаның өзектілігі: Туыстас қазақ және түрік халықтарының даму тарихы мен тілін зерттеу арқылы олардың ұқсастықтары мен айырмашылықтарын білуге септігін тигізеді; Жобаның мақсаты: Түрік тіл білімінің қалыптасу кезеңдерін және түрік, қазақ бейнелі сөздерін салыстырмалы қарастыру; Жобаның міндеті: - Түркі тілдерінің шығу тарихын қарастыру; - Қазақ және түрік тілдерінің салыстырмалы-тарихи грамматикасының ерекшеліктеріне тоқталу; - Қазақ және түрік тілдері фразеологизмдерін салыстырудың теориялық негіздерін қарастыру. Жоспар: I. Кіріспе 1.1 Түркі тілдерінің шығу тарихы мен даму кезеңдерін қарастыру II. Негізгі бөлім 2.1 Түркі тілдерінің салыстырмалы-тарихи грамматикасынының сипаттамасы 2.2 Қазіргі қазақ және түрік тілдері фразеологизмдерін салыстырудың теориялық негіздеріне тоқталу III. Қорытынды Пайдаланылған әдебиеттер І. Кіріспе Түркі тілдерінің шығу тарихы мен даму кезеңдерін қарастыру Түркі халықтарының Отаны жер шарының екі материгі – Азия мен Европа. Дегенмен басым көпшілігі Азия болып саналады. Оған себеп – көпшілік түркілер осы жерлерді мекендейді, екіншіден, тарихи тамыры да осы құрлықта. Ал Еуропадағы түркілер, негізінен, оның оңтүстігінде орналасқан да, Еділ мен Кавказ тауларының етегін мекендеген. Жеке түркі тілдерінің қалыптасу дәуірлері әр түрлі. Олардың кейбіреулері ерте қалыптасып, өз іргесін басқалардан бұрынырақ алыстатқан болса, енді біреулері ортақ тіл қауымына соңғы дәуірлерде (ХІV-ХVІ ғғ.) ғана бөлініп шыққан.Түркітанушы ғалымдар түркі тілдерінің даму кезеңдерін белгілі кезеңдерге бөліп, әрқайсысының өзіндік ерекшелігін анықтауға әрекет етіп келеді. Мысалы, Н.А. Баскаков түркі тілдерін дамуы мен қалыптасуына қарай 6 кезеңге бөлген: 1). Алтай дәуірі; 2). Хун дәуірі (V ғасырға дейін); 3). Көне түркі дәуірі (V-Х ғасырлар); 4). Орта түркі дәуірі немесе негізгі түркі тайпаларының қалыптасуы мен даму дәуірі (Х-ХV ғасырлар); 5). Жаңа түркі дәуірі немесе түркі халықтарының қалыптасуы мен даму дәуірі (ХV-ХХ ғасырлар); 6). Ең жаңа дәуір немесе түркі тілдерінің Қазан төңкерілісінен кейінгі даму дәуірі [1]. Н.А. Баскаковтың бұл пікірін ғалымдардың көбісі-ақ қолдайды, бірақ онымен келіспеушілер де жоқ емес. Мәселен, біраз ғалымдар түркі тілдерінің Алтай дәуірін мойындамайды. Алайда біз түркі тілдерінің қалыптасуын Н.А.Баскаковтың дәуірлерге бөлуіне сүйене қарастырамыз. Түркі тілінің дамуындағы Алтай дәуірі – мерзімі жағынан әлі анықталмаған, ғалымдардың арасында дау туғызып келе жатқан мәселелердің бірі. Тілдерді салыстырмалы-тарихи тәсілмен зерттеп, туыстық жақындығын анықтағанда олардың ортақ белгілеріне сүйену қажет. Осындай туыстық белгілер түркі-монғол тілдерінің арасында да бар және олар фонетика жүйесінде де, лексика мен грамматикалық құрамында да кездесетіндігін ескере келіп, бір топ ғалымдар “түркі тілдері өз алдына бөлініп шыққанға дейін алтай дәуірі тобында болған” деген топшылау айтады. Олар алтай тілдері тобындағы тілдерден: 1) түркі-монғол тілдері; 2) тунгус-маньчжур тілдері; 3) жапон-корей тілдері бөлініп шықты деген болжамды ортаға салады. Ал басқа ғалымдар тіпті алтай тіл бірлестігінен де арыға барып, орал-алтай тіл бірлестігі теориясын ұсынады. Салыстырмалы-тарихи зерттеулер алтай тілдерінің деректерінде көптеген ұқсас келетін тілдік материалдардың барлығын анықтады. Жалпы алтай тілдері бірлестігінің құрамына енген тілдерде дыбыс үндестігі, екпіннің тұрақтылығы, жалғамалы тіл болуы, сөз алдынан келетін көмекші сөздердің (предлогтардың) болмауы, жыныс(род) категориясының болмауы т.б.Көпшілік тілшілер алтай тіл бірлестігін анықтауда дыбыстық сәйкестікке көбірек көңіл бөледі. жүктеу/скачать 148,33 Kb. Достарыңызбен бөлісу:
|