Мемлекеттік Елтаңба
Елтаңба — бүкіл әлем мойындаған мемлекеттіліктің ерекше маңызды нышаны.
«Герб» термині неміс сөзінен аударғанда «Мұра» немесе «енші» мағынасын береді .
Қазақстан Республикасының Мемлекеттiк Елтаңбасы - дөңгелек нысанды және көгiлдiр түс аясындағы шаңырақ түрiнде бейнеленген, шаңырақты айнала күн сәулесiндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесi орналастырылған. Жоғарғы бөлiгiнде - бес бұрышты көлемдi жұлдыз, ал төменгi бөлiгiнде "Қазақстан" деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесi, сондай-ақ "Қазақстан" деген жазу - алтын түстес.
Қазақстанда өмір сүрген ежелгі сақ тайпасының өздерін ерекше айрықшаландыратын «Тамға» атанған тотем белгісі болған. Аталған термин Түрік қағанаты кезінде қолданыла бастаған.
Достарыңызбен бөлісу: |
