| Ұңғымадағы операциялар.
Бұл бөлімнің аталып өтуі шартты, өйткені
оған ұңғыманың техникалық жағдайын анықтайтын жəне оның ішінде
жүргізілетін бірнеше əдістер кіреді. Ұңғыманың техникалық жағдайын зерттеу
маңызды рол атқарады, өйткені ұңғыманы бұрғылау біраз қаражатты керек
етеді. Терең ұңғымаларды бұрғылау бірнеше айлар бойы, ал өте терең
бұрғылау- бірнеше жылдар бойы жүргізіледі. Мысалы өте терең Коль
ұңғымасы (тереңдігі 12км) 20 жылдан көп уақыт бұрғыланған.
Ұңғыманың техникалық жағдайын бақылау, бұрғылау кезінде бірқатар
апаттарды болдырмайды жəне ҰГЗ мəліметтерін сандық түрде талдау кезінде
ұңғыма əсерін ескеруге мүмкіндік береді. Бұл бөлімде келесі операциялар мен
əдістер жүргізіледі:
- кавернометрия – бұрғыланған ұңғыманың орташа диаметрін өлшейді;
- профилеметрия – ұңғыманың көлденең қимасы бойынша бірнеше
диаметрін өлшейді;
- инклинометрия – ұңғыманың қисаю бұрышын өлшейді; қабаттық
наклонометрия - ұңғыма қиып өткен қабаттардың шоғырлану элементтерін
анықтайды;
- ағын өлшеу (потокометрия) – ұңғыма оқпаны бойынша флюидтердің
қозғалу жылдамдығын өлшейді;
- қабат флюидтерінен үлгі алу;
- цементометрия – ұңғыманың цементтелу сапасын анықтау;
- дефектометрия- ұңғымадағы шегенделген болат құбырлар жағдайын
анықтау;
- ату-жару (перфорация) жұмыстары:
• "грунттар" алу, яғни ұңғыма қабырғасынан "грунт" үлгісін алу;
• шегенделген құбырды перфорациялау (тесу);
• ұңғыманы торпедалау.
Айта кететін бір жағдай, "грунт" үлгісін жəне шегенделген құбырды тесу
жұмыстарын жарылыссыз жасауғада болады.
Достарыңызбен бөлісу: | 
