Кәсіптік қызметке өзіндік талдау жасау 2017 Кәсіптік қызметке өзіндік талдау жасау Бастауыш сынып мұғалімі Ж. Б. Даукараевнаның

Даукараева Жамила Базарбаевна

Педагогикалық қызмет жасаған мектебімде жүріп жоғары білім алдым. Жоғары білімім бар.

1998 жылы Ақтау гуманитарлық колледжін «Бастауыш сынып класс мұғалімі» мамандығы бойынша бітіріп, бастауыш сынып мұғалімі біліктілігі берілді ;

2008 жылы Ақтаудағы "Болашақ" институтын «Кәсіптік бағдар » мамандығы бойынша бітіріп, информатика пәні мұғалімі біліктілігі берілді ;

2015 жылыдан Бәйішов атындағы университетінде "Бастауыш сынып педагогикасы"факультеті бойынша білім алып жатырмын.

Жалпы педагогикалық еңбек өтілім– 23 жыл.

Аталған оқу мекемесіндегі жұмыс өтілім – 21 жыл.

2013 жылғы сәуір - мамыр айының аралығында Ақтау қаласындағы "Өрлеу БАҰО" АҚ филиалы Маңғыстау облысы бойынша ПҚ БАИ-да «Қазақстан Республикасы педагог кадрларының біліктілігін арттырудың деңгейлі бағдарламалары аясында үшінші (базалық) деңгей бағдарламасы бойынша мұғалімдерді оқыту» атты біліктілігін арттыру курсынан өттім (тіркелу нөмірі – № 0006845). 

2014 жылы бірінші санатты қорғадым.

2015 жылдан бастап сабақ барысында педагогикалық іс-тәжірибеде тұлғалық бағдар тәсілін қолданып, оқушыларды оқу-танымдық, шығармашылық іс-әрекетке ынталандырып, оқытудың тиімді тәсілі мен әдістерін қолданып, әр оқушының нәтижеге жетуі үшін жағдай жасау арқылы жалпыға міндетті негізгі орта білім берудің мемлекеттік стандарттарымен анықталған оқушылардың оқуға деген білім мен дағдыларын, іс-әрекет тәсілдерін жүйелі түрде қалыптастырамын. Нәтижесінде, оқушылар бағдарламаны жеткілікті деңгейде игеріп, жоғарғы сапа көрсетті.

Оқушылардың интеллектуалдық, шығармашылық қасиеттерін дамытып, танымдық қызығушылықтарын қалыптастыру үшін сыныптан тыс іс-шараларды белсенді жүргізіп, оларды мектепішілік, облыстық, республикалық, халықаралық олимпиадалар мен әртүрлі байқауларға нәтижелі қатыстырып отырамын.

Нәтижелер:

Өз іс-әрекеттерімнің нәтижелерін тек талдап немесе сынақ түрінде бағалап қана қоймай, алғыр ойлармен бөлісіп, өз шығармашылық деңгейімді жүйелі түрде толықтыру үшін кәсіби байқауларға белсене қатысып отырамын.

Аудандағы желілік мектептер арасында ұйымдастырылған семинарларға қатысып іс-тәжірибе алмасып отырамын. Курстардан алған білімдерімді оқушыларға беретін білімімімен ұштастыруға тырысамын.

Белсенді әдіс-тәсілдерді толық меңгеріп, сабақ барысында қолданып, оқушылардың білімдерін шыңдай түсемін.

1-сыныбыма алғаш келген әр оқушымның өзіндік жеке қасиеттерін зерттеп аламын.

Қазіргі жаңа білім мазмұны бойынша бүгінгі өтетін тақырыпты қалай түсіндірсең де еркіңде болғандықтан, мен жаратылыстану пәндерін табиғат аясында өткіземін. Қолымен ұстап, көзімен көргенін еш ұмытпайтындығына көзім жетті. Оқыған мәтіндері бойынша көбіне көрініс қоюларын қадағалап отырамын. Жаратылыстану, дүниетану , математика пәндерінде көбіне тәжірибе, аплликация жапсыру арқылы өткізу оқушылардың пәнге деген қызығушылығын арттыра түсті.

Сабақта орындаған тапсырмаларын мен әзірлеп әкелген критериалды бағалаумен өздерінің білімдерін бағалап отыруға қатты қызығады.

Жаңа сабақты түсіне алмаған оқушыларды бос уақыттарында қосымша сабақтарға шақырып, түсіндіремін.