Кәсіптік практикадан өтуі туралы

Практиканың алдында студент міндетті түрде алу керек:

а) практика бағдарламасы;

ә) әдістемелік нұсқаулық;

б) жеке тапсырмалар;

в) жолдама;

г) техника қауіпсіздігі бойынша нұсқаулық;

д) күнделік– есеп.

Жеке тапсырманы практика бағдарламасы мен практика өтетін орынға сай университеттегі практика жетекшісі құрады, тапсырмаға студент, университеттегі практика жетекшсі мен өндірістегі практика жетекшісі қол қояды.

Студент күнделігін өзі толтырады. Атқарылған жұмыстар мен өткізілген экскурсиялар туралы жазбалар күнделікті жазылып, практика жетекшісі қолын қойып отырады. Күнделік есеп жазуға негіз болып табылады*. Практика біткенде студент міндетті түрде өндірістен мінездеме алуы керек.

Практика аяқталар уақытта есеп бітетіндей практика тапсырмалары мен бағдарламаға сәйкес студент есеп құрастыруда жүйелі жұмыс жүргізу керек. Практика есебі толық ресімделмеген күнделіксіз қорғауға жіберілмейді.

Практика бағдарламаларын орындағаннан кейін студент университетке тапсыру керек:

а) толық рәсімделген күнделік -есеп;

б) жеке тапсырмаларға сәйкес орындалған практика есебі;

в) мамандық бойынша сызу, аударма және .т.б

Қанағаттанарлықсыз баға алғанда немесе есебін өткізбегенде өндірістік практиканы өз есебінен екінші рет өтеді, ал студент практикаға дұрыс қатыспай, тәртіп бұзып, есебін қорғауға еш дайындықсыз келсе, қайталама курсқа қалтырылады немесе оқудан шығарылады.