Қол іздерімен жұмыс жасау. Қол іздерін әртүрлі әдістермен анықтау және бекіту. Анықтаушы реактивтерді, бояушы ұнтақтарды және қоспаларды дактилоскопиялық із көшіруші пленкаларды қолдану. Шыныға түскен саусақ іздерін арнаулы ұнтақ арқылы айқындап, оны дактилоскопиялық пленкаға түсіру.
Аяқтың және аяқ киімнің іздері.
Аяқ іздерінің жолын және жеке іздерді қарау және бекіту. Көлемді болып түскен аяқтың ізінің қалыпын гипстің көмегімен жасау.
2- сабақ. Көлік құралдарының және бұзу құралдарының іздері.
Көлік құралдарының іздерін қарау. Көлік құралдарына топтық тиістілігін сипаттайтын және оның қозғалыс бағытын куәландыратын белгілерді анықтау.
Бұзу іздерін қарау және бекіту. Бұзу құралдарын қарау және сипаттау.
СӨЖ тапсырмалары:
Альбомға дактопленкаға түсірілген қол саусағының ізін жапсырманың ішіне салып оқиға болған жердің хаттамасының үзіндісі ретінде оның жалпы және жеке белгілерінің сипаттамасын, табу, алу және бекіту әдістерін көрсету.
Аяқ ізінің гипс көшірмесінің хаттама үзіндісі ретінде сипаттап көрсету. Аяқ іздерінің жолын схема түрінде альбомға сызып белгілерін айқындау. Өлшемдерін енгізу.
Көлік және бұзу құралдарының фотосуреттерін, олардың ереже бойынша сипаттамасын жасау.
