Мақсаты: оқушылардың кітап оқуға деген қызығушылығын арттыру, кітап оқу арқылы ой-өрісін дамыту, рухани байлығын толықтыру, шығармашылық қабілеттерін арттыру.
Көрнекілігі: «Кітап-өлшеусіз қазына, өрісі кең әлем!» тақырыбы жазылған плакат, мақал-мәтелдер, кітап туралы даналар сөзі жазылған плакат, тақырыптық суреттер.
І бөлім. Кітап әлеміне саяхат.
1-жүргізуші:
Балалар, бұл жол басы даналыққа,
Келіңдер, оқып, байқап қаралық та,.
Бұл жолмен бара жатқан өзіңдей көп,
Соларды көре тұра қалалық па!
Даналық-өшпес жарық, кетпес байлық,
Жүріңдер іздеп тауып алалық та!
2-жүргізуші:Кітап –арабтың жазу деген сөзі. Кітап-өлшеусіз қазына, теңдесі жоқ байлық. «Кітапсыз білім жоқ, білімсіз күнің жоқ» деген мақал тегін айтылмаған. Кітаппен дос болсаң-білім нәріне кенелесің.
1-жүргізуші:Алғашқы кітап баспасы ағаштан жасалды. Ксилография қалыбы ХІ ғасырда пайда болды. Ал 1045 жылы Шын елінің өнерпазы Би Шен құймалы әріптерді жасап шығарды. Еуропада тұңғыш рет ХІV ғасырда неміс өнертапқышы Гутенберг баспа станогын жасады. Ресейде тұңғыш басылымды 1564 жылы Мәскеуде Иван Федеров пен Петр Метиславец басып шығарды.
2-жүргізуші: Қазақша кітаптар 1800 жылы шығарыла бастады. Кітап басып шығару үшін талай адам тер төгеді. Аялап өсірген сансыз ағаштар қағаз үшін кесіледі. Сол қағазға әріптерді қатесіз көркем етіп шығару үшін көп күш жұмсалады.
ІІІ бөлім. Қорытынды. «Білімдінің жүзі жарық, білімсіздің жүзі шарық» деп ата-бабамыз бекер айтпаған. Кітапты үзбей оқып, өзімізге сенімді дос ретінде қабылдайық. Кітап өмірімізге бағыт-бағдар сілтеп тұратын шамшырағымыз деп білейік. Кітаптың ұлы қасиетін бағалап, құрметтеп жүрейік.