Триггер нүктелерін зерттеу

Неврология бөлімшесіне 4 жасар бала түсті. Науқас баланың анасы дәрігерге баланың психикалық және моторлық дамуының тежелуі, бала өздігінен отыра алмайды, тұрмайды, жүрмейді, сөйлемейді және денесінде еріксіз қимылдарының болуына шағымданды. Ауру анамнезінен: бала 1-жүктіліктен 29-30 апталығында дүниеге келген. Туған кездегі салмағы 1200,0 г. Апгар шкаласы бойынша 6-8 балл. Нәресте кезінде билирубиндік энцефалопатия болған, жалпы билирубин 450 мкмоль/л. Баланың психомоторлық дамуы туылғаннан бастап артта қалып келе жатыр: 2 жасқа толғанда мойны бекіді, аунай алмайды, отыра алмайды, қолдарына зат ұстай алмайды. Бала 4 айға толғанда қатты мазасызданып, қолбасы артқа қарай бұратыла бастады, беттің мимикалық және мойын бұлшық еттерінде еріксіз қимылдар пайда болды. Басы бүйіріне қарай және артқа бұрылып кетеді, қолдары артқа қарай бұралып созылып, арқасының артына кетеді, денесі вертикальді ось бойынша бұратылатын болды. Бұл еріксіз қимылдар бала мазасызданғанда және эмоциялық қобалжу кезінде күшейе түседі, ал ұйықтағанда және тыныштық жағдайында азаяды.