Ticket-Granting Server (Рұқсат беру сервері). Ол авторизациялық серверден қолданушы аты, оның желідегі адресі, сұраныстың түсу уақыты болатын «рұқсаттама» мен бірегей «кілт» алады. «Рұқсаттамасы» бар пакет шифрланған күйде келеді. Рұқсат беру сервері сұранысты тексеріп, «кілттерді» салыстырады да, олар сәйкес болған жағдайда желілік аппаратура немесе программаға рұқсат етеді.
Кәсіпорынның филиалдарының, абонеттерінің көбеюіне байланысты желі жұмысын қамтамасыз ету мақсатында алшақ қолданушылар пайда болады. Олармен байланыс орнату үшін кабельдік линиялар немесе радиоарналар қолданылады. Бұл жағдайда ақпаратты қорғау үшін арнайы қол жеткізуді бақылау құрылғылары пайдаланылады. AT&T фирмасының Remote Port Security Device (RPSD) модулі әрбіреуі қарапайым модем көлеміндей болатын 2 бөліктен тұрады: RPSD Lock (құлып) орталық офисте орналасады, RPSD Key (кілт)- алшақ қолданушы модеміне жалғанады.
