Прокурор. Мұныңыз енді қолдан келетін шаруа.
Генерал (кнопканы басып). Подполковник мырза, ана аудан әкімдерінің ішінде Құрман Қарғабаев деген бар, соны дереу жеткізіңдер менің кабинетіме.
Прокурор. Осыған разы болыңыз, Ерік Көшербаевич, мен кеттім. Ендігісін Нұрқат Асылович реттер.
Прокурор кетеді.
Мұсылманқұлов. Нұрқат, айтшы, Қасқабай қандай әкім?
Генерал. Жақсы әкім. Принципті, талапшыл, бәрін түсінеді?
Мұсылманқұлов. Түсінгені осы ма, аудан әкімдерін қаматқаны?
Генерал. Осы. Өте дұрыс істеп отыр. Бұл облыста парақорлық әбден асқынған. Менің білуімше, сіздің Шымқалаңыздан қалыспайды. Парақорларға осындай бір шешімді әрекет керек еді, мынау – сол. Әрине, қармақтың әкімдерді қапқаны өкінішті-ақ.
Мұсылманқұлов. Бәрі – өзім тағайындаған әкімдер.
Құрман Қарғабаев кіреді:
Достарыңызбен бөлісу: |
