САҢЫРАУҚҰЛАҚТАРДЫ ЖІКТЕУ
Қазіргі кезде саңырауқұлақтар патшалығы 2 бөлімге бөлінеді. Шырындылар (Myxomycota) және Нағыз саңырауқұлақтар (Eumycota). Бұл жіктеудге саңырауқұлақтардың шығу тегі, вегетативтік денесінің типі және бірқатар белгілер кіреді.
ШЫРЫНДЫЛАР, НЕМЕСЕ МИКСОМИЦЕТТЕР (MYXOMICOTA)
Саны бойынша көп емес бөлім. Олардың вегетативтік денесі көп ядролы жалаңаш цитоплазма түрінде болады, плазмодийінің өз дербес қабықшасы және түрақты пішіні болмайды. Жыныстық үрдісіизогамия типінде өтеді. Бұл кезде әр жынысты гаплоидты зооспоралар қосылып, диплоидты плазмодий түзеді. Жыныссыз көбеюі зооспоралар көмегімен жүзеге асады.
Плазмодиофоромицеттер (Plasmodiophoromycetes) класына жататын миксомицеттер фитопатогендер болып табылады. Бұл клетка ішінде тіршілік етуге бейімделген, негізінен гипертрофалық (шамадан тыс ұлғайған) клеткалардан тұратын ісік тудыратын облигатты паразиттар. Ауру қоздырғышы тыныштық күйде болатын споралар түзеді. Олар өсімдік қалдықтары шірігеннен соң топыраққа еніп, бірнеше жылдар бойына сақталуы мүмкін. Кейін зооспоралар өніп өсімдіктердің топырақ асты мүшелерін залалдайды.
Ең жиі кездесетін зиянды екі түр: крест гүлділер тұқымдасына жататын өсімдіктердің кила ауруының қоздырғышы – Plasmodiophora brassicae Wor. және картоптың ұнталғыш парша ауруының қоздырғышы – Spongospora subterranca (Wallr.) Jonson. Шырындылар бөліміне жататын басқа түрлерінің көбі - өсіп тұрған өсімдіктерге қауіп төндірмейтін – сапртрофтар.
Достарыңызбен бөлісу: |
