| Сүт қышқылы- көмірсуларға бай субстраттарда сүтқышқылды бактериялар түзетін органикалық қышқылдың түрі. Көбінесе сүт өнімдерінде кездеседі.Сүтқышқылды бактериялар дәнде де болады, сондықтан ашыған нанды қамырдың табиғи ашуынан алуға болады. Өндірісте сүтқышқылын Bacterium delbruckii термофильді таяқша тәрізді бактериясының көмегімен алады. Сүт қышқылын химиялық, фармацевтикалық, тағам өндірісінде пайдаланады. Сүтқышқылды бактериялардың ферментті жүйелері глюкозаны сүтқышқылына айналдырады. Сүт қышқылын өндірістік жағдайда анаэробты терең ферментация әдісімен алады. Шикізат ретінде меласса, сахароза, крахмал гидролизаттары пайдаланады. Ортадағы қант концентрациясы 5—20%, температура 48—50°С, рН 6,3—6,5 болуы шарт. Ферментация кезінде орта қышқылдығын тәулігіне 3-4 рет бор қосу арқылы тұрақты ұстап отырады. Сүт қышқылды ашу процесіне БАЗ әсері күшті. Ол үшін ортаға уыт өскіндерінің сығындысын қосады.
Ферментация аяқталған соң ортада 0,5—0,1% қант және 11—14% кальций лакта қалады. Бор қалдықтары 80—90°С температурада сүзу арқылы алынып тасталады. Фильтратты сусыздандырып, кристаллизаторларда 3-4 тәулік ұстайды, нәтижесінде 95% таза кристалдар алынады.
Достарыңызбен бөлісу: |
