Қырыққабат қырықбуыны – Гусеницы капустниц. Көбінесе қырыққабатты, брюкваны, рапсты зақымдайтын жәндік. Ондай өсімдікті жеген ірі қара малының ауыз қуысының кілегей қабықтары қабынады, қан аралас зәр бөлінеді, малдың артқы жағының әлсіздігі байқалады. Өсімдіктегі ол жәндікті құрту үшін жіберілген үйректердің онымен уланғаны және жартысынан көбінің өлгені туралы деректер бар.
Жәндіктің сыртының түктері кілегей қабықтарды тітіркендіретін болса, олардың бөліп шығаратын улы заттары малды уландырады.
Астық қоймаларында кездесетін қойма ұзынтұмсықтары мен дәнді дақыл кенелері мал азықтарын ластап, зақымдайды. Ондай азықпен азықтанған малдар әртүрлі ауруларға шалдығуы мүмкін.
