Жыныс жасушаларының дамуы. Мейоз-сперматогенез, оның құрылысы. Оогенез, оның құрылысы, кезеңі

Алғашқы жыныс жасушалары ұрық дамуының бастапқы кезеңінде пайда болады. Бұл кезде оларда жыныстық айырмашьшық байқалмайды. Бұлар ұрықтың басқа жасушаларынан, заттар алмасуының кейбір ерекшеліктері жағынан өзгешеліктері көріне бастайтын ірі жасушалар, Алғашқы жыныс жасушалары денесінде емес (құс пен сүтқоректілерде), алғашқы қан тамыр-лары түзілетін уақытша органдарда (сарыуыз қапшығының энтодермасында) пайда болады. Алғашқы жыныс жасушалары кейін қанның ағысымен немесе тамырлардың бойымен өз бетінше қозғалып, жыныс безінің ұрығына жиналады. Содан кейін оларды гаметалардың онан әрі дамуын қамтамасыз ететін жыныс бездерінің ерекше жасушалары - фолликулалық жасушалар қоршайды.

Гаметагенездің кейінгі кезеңдері ұрықтың жынысына байланысты түрліше жүреді. Гаметагенез сперматогенез және овогенезге бөлінеді.