Орнықтылыққа есептеу дегеніміз келесі екі мәселені шешу болып табылады

- біріншіден аумалы күштің мәнін тауып, оны орнықтылық коэффициентіне бөлу арқылы, өлшемдері мен метериалы белгілі, сығылған сырықтың жүк көтеру қабілетін анықтау;

- екіншіден сырыққа әсер ететін күштің шамасы белгілі болса, оны қауіпсіз, яғни орнықтылығын жоғалтпай көтеріп тұратын, материалы мен өлшемдері белгілі, сырықтың қимасының өлшемдерін анықтау болып табылады.

Бірінші мәселе бойынша аумалы күштің шамасы сығылған сырықтың геометриялық өлшемдеріне, материалына, және сырықтың ұштарының бекітілу шартына байланысты анықталады. Аумалы күш, егер қимадағы тік кернеудің шамасы сырықтың материалының пропорционал шегінен аспаса, Эйлердің формуласымен, ал кернеудің мәні материалының пропорционал шегінен үлкен болған жағдайда Тетмайер-Ясинскийдің формуласымен анықталады.