| Материалдар пішімінің түрлері
Машина бөлшектері мен құрылым элементтері шын мәнінде алуан түрлі болып келетіні белгілі. Алайда беріктікке есептеулерді жеңілдету үшін оларды келесі үш түрге келтіруге болады екен:
● сырықтар (брус, стержень) – бұлар бір өлшемі қалған екі өлшемінен әлдеқайда үлкен болып келетін дененің, материалдың (машина бөлшектері мен құрылым элементтерінің) түрі, пішімі (формасы);
● пластиналар – бұлар екі өлшемі қалған бір өлшемінен әлдеқайда үлкен болатын материалдың түрі;
● массивті дене – бұл барлық үш өлшемі-де бір шамалас болып келетін материалдар түрі.
Пластиналар жазық немесе қисық бетті болуы мүмкін.
Практикада өте жиі кездесетін материалдар (машина бөлшектері) түрі сырық тәріздес болып келетіндіктен материалдар кедергісі пәнінде көбінесе сырықтардың беріктігі, қатандығы және орнықтылығы қарастырылады. Ал пластина және массивті дене тәріздес материалдардың беріктігін есептеу үшін серпімділік теориясында немесе арнайы курстарда қарастырылған тәсілдер қолданылады.
Достарыңызбен бөлісу: | 
