ХІV. НАУҚАСТАРДЫ ЭНДОСКОПИЯЛЫҚ ЖӘНЕ
РЕНТГЕНОЛОГИЯЛЫҚ ЗЕРТТЕУЛЕРГЕ ДАЙЫНДАУ
НАУҚАСТЫ БРОНХОСКОПИЯҒА ДАЯРЛАУ
Мақсаты: науқасты зерттеуге сапалы даярлауды қамтамасыз ету, бронхтың сілемейлі қабықтарын қарау.
Дайындаңыз: залалсыздандырылған: қолғапты, бронхоскопты сүрткілерді, транквилизаторларды ішінде зарарсыздандыру ертіндісі бар ыдысты, сүлгіні, ауру тарихын, жолдаманы.
Бронхоскопияны дәрігер жасайды, мейірбике көмекші қызметін атқарады.
Іс-әрекет алгоритмі:
Науқасқа зерттеудің мақсаты мен барысын, зерттеу жасаған уақыттағы тәртіп ережесін түсіндіріп, оның келісімін алыңыз.
Науқасқат психикалық дайындық жүргізіңіз
Науқасқа зерттеу таңертең ашқарынға өткізілетінін хабарлаңыз. Ол зерттеу алдында таңертең тамақты, суды қабылдамауы, темекі шекпеуі керек.
Зерттеудің алдында науқас алмалы-салмалы тіс протездерін шешіп тастауын қадағалаңыз.
Тура зерттеуді жасар алдында науқастан қуығын және ішегін босатуды сұраңыз.
Дәрігердің тағайындауы бойынша зерттеудің алдында кешке қарай және таңертең жансыздандыруды жасауда 1-1,5 сағат бұрын транквилизаторлармен (элениум, диазепам) премедикацияны жүргізіңіз.
Қарауға 15-45 минут қалғанда дәрігердің тағайындауы бойынша премедикацияны (наркозға дайындауды) жүргізіңіз.
Науқасты сүлгісімен, ауру тарихымен және жолдамасымен эндоскопиялық кабинетіне тағайындалған уақытта ерітіп апарыңыз.
Науқасты палатаға ертіп апарыңыз, жасалған зерттеуден кейін екі сағат бойы тамақ ішуіне, темекі шегуіне болмайтынын ескертіңіз.
НАУҚАСТЫ ФИБРОГАСТРОДУОДЕНОСКОПИЯҒА ДАЙЫНДАУ
Мақсаты: нақасты зерттеуге сапалы дайындауды қамтамасыз ету, өңеш, асқазан және он екі елі ішектің сілемейлі қабығын қарау.
Дайындаңыз: залалсыздандырылған гастроскопты, сүлгіні, зерттеуге жолдаманы.
Достарыңызбен бөлісу: |
