МАҢҒыстау облысы түПҚараған ауданы, баутин ауылының 2018-2020 жылдарға арналған даму жоспары
жүктеу/скачать 272,56 Kb.
|
КІРІСПЕ Баутин – аудан орталығынан 2 км, облыс орталығы Ақтау қаласынан 140 шақырым қашықтықта, Форт-Шевченко қаласының солтүстік-батыс жағында Каспий теңізі қойнауындағы теңіз портын жағалай қоныстанған ауыл. Баутино селосының айналасындағы 5 км радиуста Форт Шевченко қаласы орналасқан. Статистикалық мәлімет бойынша ауылда 814 аула, халық саны- 4554, 829 отбасы тұрады, оның ішінде ерлер 2236, әйелдер 2318. Жұмысқа қабілетті экономикалық белсенді азаматтар саны 2721, зейнеткерлер 497, мүмкіндігі шектеулі азаматтар саны 147, мүмкіндігі шектеулі балалар саны 33, жұмыссыздықта тіркеуде 30 адам. Ауылдық округтің жалпы ауданы 1104 га, және ауданның 2179 га ауыл шаруашылық мақсаттағы жайылымдық жері тіркелген. Сонымен қатар ауылдық округінің аумағын Аташ елді мекені кіреді. Ауылда М.Горький атындағы мектеп- лицейі, Ж.Мыңбаев атындағы ұлттық мектеп-гимназиясы /қазақша және орысша/, Түпқараған гуманитарлық-техникалық колледж, «Ақбота», «Ер Төстік» балабақшалары, 1 ауылдық дәрігерлік амбулатория, 1 кітапхана, пошта бөлімшесі, телефон станциясы, су тұщытатын қондырғы, 52 шағын бизнес обьектілері , атап айтқанда 7 қонақ үй, 2 мейрамхана, 1 кафе, 34 сауда нүктесі, 3 шаштараз, 1 наубайхана, 1 монша, 3 авто көлік жуу орталығы халыққа қызмет көрсетуде. Ауылда көптеген шетелдік, отандық компаниялар жұмыс жасайды. Баутин ауылында «Қашаған» мұнай кеніші жобасына қызмет көрсететін ірі өндірістік базалар орналасқан. Еңбекке жарамды тұрғындарының басым көпшілігі мұнай саласының өндірісінде, сервистік компанияларда, мемлекеттік мекемелерде, ауылдың әлеуметтік саласында, шағын кәсіпкерлік саласында, және де аудан орталығы Форт Шевченко қаласына қатынап жұмыс жасайды.
Ауыл газбен және орталықтандырылған сумен жабдықтау жүйесімен және тасымал сумен, электр энергиясымен толық қамтамасыз етілген, соған қарамастан ауыл ішілік жолының және ауыл аумағын абаттандыру, кәріз жолдары, интернет желісінің әлсіздігі сияқты бірқатар мәселелер бар. Ауыл экономикасының негізгі саласы шағын және орта бизнес, сонымен қатар ауыл шаруашылығы. Баутин ауылының дамуының ағымдағы жағдайын талдау Талдау 1.1 Баутин ауылының экономикасы және ауыл шаруашылығы Ауылдың экономикасының негізгі басымды бағыттары шағын және орта бизнес, және ауыл шаруашылығы. Бүгінгі таңда ауылда 52-ге шағын кәсіпкерлік объектілер орналасқан, 21 шаруа қожалығы әрекет етеді. Ауыл шаруашылығында басымдылық мал өсіруге бағытталған. АУЫЛ ШАРУАШЫЛЫҒЫ. МАЛ ШАРУАШЫЛЫҒЫ Ауылдық округтің экономикалық саласының бірі – ауыл шаруашылығы. Округ аумағында 21 шаруашылық қожалықтың 18 мал өсірумен шұғылданады. Сонымен қатар ауылда 42 жеке қосалқы шаруашылық тіркелеген. Шаруа қожалықтары негізінен Қосүйек жерінде орналасқан. Шаруа қожалықтарында және ауылдың қосалқы шаруашылығында барлығы 162 бас ірі қара (сиыр), 50 бас түйе, 518 бас жылқы және 5405 ұсақ мал, 300 ден астам үй құстары шаруашылық кітабының дерек көзіне тіркелген. «Аудандық ветеринарлық станциясы» МКМ -нің бөлімшесі ауылдың шаруа қожалықтары мен қосалқы шаруашылықтарды қажетті қызметпен қамтамасыз етіп отыр. Мал соятын орын бар. Ауылда мал басын өсірудің дамуын тежеуші фактор ауыл маңында жайылымдық жердің жеткіліксіздігі, су тапшылығы және аулада мал ұстаудың шектеулігі, маман жетіспеушілігі (бақташы, сауыншы және т.б), мал өнімдерін өндірілмеуі, асыл тұқымды мал өсіруге қызығушылық танытпауы, шаруа қожалықтарының аумағында инфрақұрылымдармен (газ,электр энергия) қамтылмауы болып табылады. Жем - шөп қымбат. Жаз кезінде судан тапшылық бар. Шаруа қожалықтары орналасқан жердің қолайсыздығынан құдық қаздыру мүмкін болмай отыр. Шаруа қожалықтары ауыл шаруашылық кооперативіне бірікпеген, мемлекеттен берілетін субсидияларды пайдалана алмай отыр. Облыс орталығынан 140 шақырым жерде орналасқан ауылда тұрғындар мен өндірістік және әлеуметтік мекемелердің ет-сүт өнімдеріне сұранысы жоғары болғанымен өнім өндіру жолға қойылмаған. Жылқы, түйе малының өнімдеріне, соның ішінде қымыз, саумал сусындарына деген сұраныс бар. Ауыл тұрғындарының қосалқы шаруашылықтарында үйдің «балқаймағы», «құрты», «ірімшігі», «брынзасын» өндіру, ұлттық дәстүрлі тағамдар мен сусындардың( шұбат, қымыз, саумал) дәмхана, құс өсіру (тауық, бөдене) және оның өнімдерін өндіру (үй жұмыртқасы) бизнестерін дамытуға болады. Жүн-теріден жасалатын бұйымдар, кәдесыйлар өндіретін кәсіпті де дамытуға мүмкіндіктер бар. Өндірілген ет-сүт, жүн-тері өнімдері ауылды ғана емес, Форт Шевченко және Ақтау қаласының нарықтарына тарату мүмкіндігі бар. Ауыл шаруашылығы саласы фермерлерін жаңа технологияларды қолдануға бейімдеу және білімдерін жетілдіру, тәжірибе алмасу және басқа да шараларды үйлестіретін орталық қажет.
Экономикалық жағынан тиімсіз болғандықтан өнімдерді сақтайтын қоймалар және оны өңдейтін цехтар қарастырылмаған. Бау бақша өнімдерін өсіруге тәжірибенің жоқтығымен қоса кеңес беретін мамандардың болмауы да кері әсерін беруде. Агротехникалық шаралар өз деңгейінде жүргізілмейді. Жердің құнарсыздануы байқалады. Аулада бау бақша өнімдерін, жеміс жидек өсіруге судың тапшылығы және бұл бағытта тәжірибенің жоқтығы да әсер етіп отыр. Қосалқы шаруашылықта тұрғындардың арасында «Жылыжайда» көкөніс өсіру кәсібіне қызығушылық бар. Ауылды орталықтандырылған су жүйесімен толық қамтамасыз етілу мүмкіндігінің арқасында тұрғындарға аулаларында қосалқы шаруашылықты дамыту перспективасы бар. Жеміс ағаштарын, бақша өнімін және жылыжайларда көкөністерді өсіру үшін суды үнемдеу мақсатында тамшылатып суару технологиясын пайдалану өнімінің өзіндік құнын төмендетеді. Ауыл әкімдігі тарапынан тұрғындарды бау-бақша өсіруге ынталандыру мақсатында «Ауыл бақшасында өсірілген бау-бақша өнімдерінің жәрмеңкесін», «Жас бағбандар байқауы», «Ауыл шаруашылық өнімдерінің жәрмеңкесі» және тағы да басқа іс шаралар ұйымдастыру мүмкіндіктерін қарастыруға болады. БАЛЫҚ ШАРУАШЫЛЫҒЫ Каспий теңізінің жағалауында орналасқан Баутин ауылы үшін балық аулау және оны өңдеу жаңа кәсіп емес. Ауылдың теңізге жақын орналасуы балық аулау және өңдеу кәсібін дамытуға үлкен мүмкіндік береді. Балық аулау кәсібімен айналысатын балықшыларға бұл саланы дамытуға мүмкіндік бар. Жаңа ауланған жас балық және тоңазытылған, ысталған, қақталған, тұздалған, балық пресервілері, балық ұны сияқты өнімдерді өндіріп, аудан және облыс нарықтарына шығару мүмкіндіктерін пайдалануды ұсынылады. Балық аулау базасын техникалық жарақтандыру қажет. Бұл бағытта Баутино портын теңізден балық аулайтын кемелердің бекеті ретінде және олардан жүк түсіру жері ретінде қолдану, теңіздік балық аулау кемелерін жалдау мақсатында сырттан балық аулау компанияларын тарту мүмкіндіктерін қарастыру, балық аулау кемелерінің командасын даярлау және ауланған теңіз өнімдерін сақтау және тасымалдау мәселесін шешуді қарастыру қажет. ҚҰС ШАРУАШЫЛЫҒЫ Баутин ауылында құс шаруашылығы дамымаған сала. Дегенмен құс шаруашылығы - мал шаруашылығының ең тез жетілетін, әрі тиімді бір саласы. Бұл саланың өркендеуіне тиісті жағдайлар жасалса, аса қысқа уақыттың ішінде еңбекті де, азықты да, қаржыны да аз жұмсап, жұғымдылығы жоғары өнім - етті және жұмыртқаны жылдың төрт мезгілінде де көп мөлшерде өндіруге болады. Өндіріс дұрыс ұйымдастырылған болса, яғни мың жұмыртқа өндіруге немесе қосымша бір центнер ет өндіруге қажет уақыт мал шаруашылығы өнімдерінің басқа түрлерін өндіруге кететін уақыттан едәуір аз. Осы артықшылықтарына байланысты құс өсірудің экономикалық жағдайлары мал шарашылығының басқа салаларының экономикалық жағдайларына қарағанда едәуір тиімді болып табылады. Құстан ет және жұмыртқа алу үшін өсіргенде оған жұмсалған қаржы шошқа етін өндіруге жұмсалатын қаржыдан 3-4 есе, ал сиыр етін өндіруге жұмсалатын қаржыдан 8-9 есе тез өтеледі. Тауық, үндік, үйрек, қаз, бөдене құстарының қосалқы өнімдері қауырсыны, мамығы, жұмыртқа қабығының ұнтағы, майы да өте пайдалы. Қосалқы шаруашылықта үй құсын ұстау, шағын инкубатор кәсібіне бастау үшін көп қаржыны талап етпейді. Құс өсіру бағытында кәсіп бастау үшін мемлекеттік бағдарламаларға қатыстыру бағытында іс шараларды ұйымдастыру ұсынылады. ШАҒЫН ЖӘНЕ ОРТА БИЗНЕС Ауылда 52 шағын бизнес субьектісі әрекет етеді. Қоғамдық тамақтандыру саласының – 2 мейрамхана, 1 кафе, 3 шаштараз, 3 көлік жуу және қызмет көрсету, 1 наубайхана, 34 азық түлік және өнеркәсіп тауарлар, 7 қонақ үй, 1 монша және тағы да басқа салалар бойынша кәсіпкерлік нысандары тұрғындарға қызмет көрсетуде. Шағын бизнестің 65,4 % сауда саттық құрап отыр. Қосалқы шаруашылықтарында тігін тігу, көлік жөндеу, такси қызметі, дәнекерлеу, құрылыс жұмыстары қызметін көрсетіп отырған кәсіп иелері бар. Кәсіпкерлердің тарапынан кәсіптерін жетілдіру және дамыту үшін білімін жетілдіруге, мемлекеттік бағдарламаларға қатысуға ұмтылыс бар. Шағын бизнес саласында мамандар тапшылығы, жалақының төмендігі мен жұмыс орнының тұрақсыздығы, бәсекелестіктің төмендігі бар. Ол өз кезегінде қызмет көрсету сапасына әсер етеді. Ауылға қажет қызметтер толық қамтылмаған. Банк бөлімшелерінің қызметі және банкомат терминалдары жеткіліксіз. Мемлекеттік бағдарламаларға қатысып қолдау алуға, жеңілдікпен несие алуда қиындықтар бар. Теңіздің жағасында орналасқан ауылда балық және балық өнімдерін өндіретін сала, фермерлік шаруашылық өнімдерін өңдеу саласы және оны сату жүйесі дамымаған. 52 кәсіпкерлік нысан әрекет ететін ауылдың салық түсімі төмен деңгейде. Кәсіпкерлер табыстарын есептерінде толық көрсетпейді. Бизнеске бөлінетін жер тапшылығы да бар, сонымен қатар ол аукцион арқылы сатылып берілетіндіктен, кәсіпкерлікпен ынталы азаматтардың сатып алуға мүмкіндігі жоқ. Ауыл орталығында ескі ғимараттар бар, олардың құжаттары дұрыс еместігіне байланысты нысандардың мақсатын өзгертіп кәсіптеріне пайдалана алмай отыр. Баутин ауылы теңіз жағасын жағалай орналасқан. Инженерлік инфрақұрылымның болмауы (газ, электр энергиясының) және қол жетімсіздігі, жағажайдың абаттандырылмауы теңіз жағажайы мүмкіндігін пайдалана алмауына әсерін тигізіп отыр. Баутин ауылының теңіз жағалауындағы бөлігінде жағажайға қолайлы «Көсе» деген орын бар. Таза құм төгіп, көлеңке орындар, құтқарушы бекетін қою жұмыстары жүргізілуді қажет етеді. Теңіз жағажайының дамуына қолайлы жағдай туғызылған жағдайда кәсіпкерліктің қоғамдық тамақтандыру, демалыс орындарының ашылуына және басқа да сервистік қызметтерді дамытуға болады. Теңіз жағажайындағы демалыс орындары ауыл тұрғындарына және қонақтарға, кәсіпорындарға вахтамен келетін жұмысшыларға да қолайлы болар еді. Ұлттық кәсіпкерлер палатасының Түпқараған аудандық филиалының әлеуетін кәсіпкерлердің біліктілігін көтеру және әлеуетін арттыру бағытында оқыту бағдарламаларын ұйымдастыру жұмыстарын қолға алу керек. Бизнестің әлеуметтің жауапкершілігін арттыру үшін кәсіпкерлердің рейтингілерін анықтап ынталандыру мақсатында марапаттауды ұйымдастыру іс шараларын жоспарлау қажет. БАУТИН АУЫЛЫНЫҢ ЭКОНОМИКАЛЫҚ ДАМУЫН ШЕКТЕЙТІН НЕГІЗГІ ФАКТОРЛАР: Бизнесті дамытуға мемлекеттік қолдауға ие болу мәселелері банктік институттардың ауылдық жерлерде кепілді төмен бағалау салдарынан (кепілге қабылдауды қаламау) несиелендіру қиындықтары ауыл шаруашылық өніміні өңдеу және өндіру саласы дамымаған Кәсіпкерлік мақсатта берілетін жердің аукцион арқылы сатылып берілуі Фермерлер, мал шаруашылығы өнімдерін өндірушілер қауымдастығы құрылмаған Шаруа қожалықтары жеріндегі судың тапшылығы өнімді өткізуді ұйымдастыру бойынша қолдаудың жеткіліксіздігі ауыл шаруашылығы өнімдеріне берілетін субсидиялар мен дотациялардың дұрыс бөлінбеуі маман тапшылығы ауыл шаруашылығы мақсатындағы жерлердегі және теңіз жағалауының инженерлік инфрақұрылым жүргізу қызметтерінің қолжетімсіздігі және бюрократиялық кедергілер Көрсетілетін қызметтің сапасының төмендігі АУЫЛДЫҚ ОКРУГТІҢ ЭКОНОМИКАСЫНЫҢ ДАМУ ПЕРСПЕКТИВАЛАРЫ Фермерлер және шаруа қожалықтары, мал және егін шаруашылығы өнімдерін өндірушілер қауымдастыққа, кооперативке бірігу арқылы мемлекеттік қолдауларды тиімді пайдаланулары қажет Ауылда малдың ет-сүт, құс, балық өнімдерін өңдеуді дамыту – ет және ет өнімдері, сүт және сүт өнімдері, құс және құс өнімдері, балық және балық өнімдерін өндіру арқылы ауыл шаруашылығы өнімдерімен ауыл, аудан тұрғындарым қамтамасыз ету Жылыжайлық шаруашылық және тамшылап суаруды дамыту жолымен су және жер қорларының шектеулі жағдайларында өсімдік шаруашылығын дамыту ауыл шаруашылық жануарларының терісін және жүнін қабылдау бойынша дайындау пункт желісін құру есебінен мал шаруашылығы өнімін пайдалану дәрежесін арттыру, бұл өз кезегінде мал шаруашылығының тиімділігін арттырады Мемлекеттік қолдау шараларын пайдалана отырып, кадрлық әлеуетті ұлғайту және кадрларды оқыту және қайта даярлау есебінен ауыл экономикасына қажет (ветеринар, зоотехник, агроном) кадрлар тапшылығын жою Құс шаруашылығының дамуы Балық шаруашылығының дамуы Форт Шевченко қаласының сауда нүктелері, жәрмеңкелерінде Баутин ауылының ет-сүт өнімдерін өткізу ауыл бизнесінің экономикаға қатысу тетіктерін әзірлеу болып табылады Теңіз жағалауының инженерлік инфрақұрылымдарға қол жетімділік, жағажай демалысының сервистік бизнесін дамытуға ықпал етеді
ӘЛЕУМЕТТІК САЛА БІЛІМ БЕРУ: ЖАЛПЫҒА БІРДЕЙ ОРТА БІЛІМ БЕРУ. Баутин ауылында жалпы білім беру мекемелері А.М.Горький атындағы мектеп-лицейі мен Ж.Мыңбаев атындағы ұлттық мектеп-гимназиясымен ( қосымша Аташ елді мекенінде бастауыш мектебі) ұсынылған. Екі білім беру мекемелерінде 1 245 оқушы білім алуда, 1010 балаға тасымал қызметі ұйымдастырылған. Демографиялық өсім бар, мектепке келетін баланың саны жылдан жылға артуда. А.М.Горький атындағы мектеп –лицейі типтік жобада, 428 орындық, оқушылар саны 697, оның 584 баласы Форт-Шевченко қаласынан, 64 бала Аташ елді мекенінен қатынап оқиды, тасымал ұйымдастырылған, мектеп алды даярлық тобында 104 бала. Аудандағы орыс тілінде оқытылатын жалғыз мектеп. Кабинеттер заманауи талапқа сәйкес техникалық жабдықталған, ғаламторға қосылған. 624 орындық Ж.Мыңбаев ұлттық мектеп – гимназиясының ғимараты типтік үлгіде салынған 2 корпустан тұрады. 2018-2019 оқу жылы оқушылар саны – 551, мектеп алды даярлық тобында 48 бала білім алуда. Аташ ауылынан 362 бала тасымалмен қатынап оқып отыр. Сонымен қатар Аташ елді мекенінде мектептің қосымша ғимаратында бастауыш сынып оқушылары білім алуда. Ауыл балаларының жазғы демалысы Жалау Мыңбаев атындағы ұлттық мектеп-гимназиясы жанындағы «Шағала», М.Горький мектеп-лицейіндегі «Жұлдыз» тынығу алаңдарынды ұйымдастырылады. Сонымен қатар мектеп лицейдің жанында әскери патриоттық «Тұлпар» клубы туризм бағытында жасөспірімдерді жұмыстануда. Мектептерде оқу екі ауысымда 5 күндікке ұйымдастырылған. Тәрбиелік шараларды, оқушымен сыныптан тыс жұмыстарды, үйірмелер мен баланы жеке дамытуды ұйымдастыру қиындықтар бар, себебі 700 оқушы тасымалы (Форт Шевченкодан, Аташтан) тек сабақ уақытына ғана қарастырылған. Қаладан және Аташ елді мекенінен қатынайтын балаларға қосымша үйірмелерге қалып қатысуға жағдай жасалмаған. А.М.Горький мектеп –лицейінің акт және спорт залы ретінде бір зал пайдаланады, заманауи талаптарға сәйкес екі спорт залы және бөлек акт залы болуы тиіс. Математика, өзін өзі тану , еңбек (ер балаларға), физика пәндерінің мүғалімдері жеткіліксіз. Ж.Мыңбаев атындағы мектеп-гимназиясының Аташ елді мекеніндегі бастауыш мектебінің асханасы жоқ, ыстық тамақ ішетін балаларды автобуспен тасымалдап отыр. Өз кезегінде бұл жағдай оқу процесіне кедергі келтіреді, сонымен қатар бұл мектепте спорт залы және жабдықталған сырттағы спорт алаңы қарастырылмаған. Мектеп ауласын көгалдандыру, балалар тасымалданатын автобус көлігі тоқтайтын автотұраққа арнайы орынның, газонмен жабдықталған спорт алаңының әлі күнгедей қарастырылмауы, әжетхананың талапқа сәйкес болмауы сияқты шешімін таппаған мәселелер бар. Оқу процесін сапалы ұйымдастыру үшін М. Горький мектеп- лицейін спорт залмен қамтамасыз етілуіне іс шаралар алу керек. Ұлттық мектеп гимназиясының аумағында автобус тоқтайтын автотұрақ орынын белгілеп, қажетті қауіпсіз шараларын ұйымдастыруды, Аташ елді мекеніндегі бастауыш мектебінің ғимаратына балаларды санитарлық талапқа сай тамақтандыру үшін қажетті жағдайларды жасақтауды (мектеп ішіне су кіргізілді), ұлттық қол өнер орталығы мен сыртқы спорт (газонды) алаңдарының құрылысын жүргізу жұмыстарын жүргізуді жоспарға енгізу. Сабақтан тыс уақыттағы шараларға оқушы қатысу үшін оқушы тасымалына қосымша автобус немесе ауылға қоғамдық көлік шығару қажет. Ауылдағы білім беру мекемелерінің замануи талапқа сәйкес жылуы және суы жүргізілген әжетханамен (ауыл орталықтандырылған су жүйесі іске қосылған, мектеп ғимараттарына құбырмен су келіп тұр) қамтамасыз ету үшін іс шаралар алуды ұсынамыз.
Колледжде маман тапшылығы бар. Форт-Шевченко қаласынан қатынайтын шәкірттердің қатынауында қиындықтар бар. МЕКТЕПКЕ ДЕЙІНГІ ТӘРБИЕ БЕРУ. Мектепке дейінгі білім беру мемлекеттік «Ақбота», «Ертөстік» (Аташта орналасқан) 140 орындық балабақшалары қызмет көрсетеді. Екі балабақшада 2-6 жас аралығындағы 280 балалар тәрбиеленуде. Ауыл әкімдігінің балабақшаға 0-3 жас аралығында – 190 бала кезекте тұр. Ауыл бойынша 92% балалар балабақшамен қамтылған болса, оның ішінде 3-6 жас аралығындағы балалар 100% балабақшамен қамтылған, қазіргі таңда 3-6 жас аралығында кезекте тұрған 2 бала. Бала бақшаларға орыс, ағылшын тілдері, саз, хореограф мамандары жетіспейді. Жазғы және қысқы демалыс кезеңдерінде бала санының азайуына байланысты тәрбиешілердің жалақысының төмендеуі, мамандардың жұмыстан кетуіне әсер етіп отыр. Бала бақша басшыларына Түпқараған гуманитарлық -политехникалық колледжіне керекті мамандарды дайындауға тапсырыс беру.
Амбулатория нысанында әжетханасы іште орналасқанмен, мақсат бойынша пайдаланбайды, дәрігерлер мен науқастар дала әжетханасына барады. Ауылға медициналық қызмет көрсететін көлік бөлінбеген, медицина қызметкерлері шақыруларға жаяу баруға мәжбүр. Тегін берілетін дәрі-дәрмек уақытылы қамтылмайды. Ауылда дәріхана жоқ. Дәрігерлік амбулатория әкімшілігі қызметкерлері мен наухастарға жайлы жағдай тудыру үшін (көлікпен қамтамасыз ету, ғимараттың ішіндегі әжетқананы іске қосу) іс шаралар алу керек. Ауылда жеке меншік дәріхана құрылысы 2018 жылы іске қосылады деп жоспарлануда.
Бұқаралық спортқа тұрғындарды қамту бойынша қызмет мектеп және колледждің спорт-зал және алаңдарының негізінде балаларға спорт секциялар ұйымдастырылған. Қызмет көрсететін спорттық нысандар 3 спорт зал, 6 спорт алаңы. Ауыл бойынша спортпен 1050 ден астам жастар шұғылданады. Спорт саласы бойынша да жетістіктері бар. Ауылдың мәдени шарлараларына да мектеп, колледждің акт залдарында өткізіледі. Ауыл балалары өнер және спорт мектебіне аудан орталығына барады. Халық саны жеткілікті болса да ауылда мәдениет үйі, спорт кешені, балалар және жасөспірімдердің тынығуына, өнер саласына бағытталған аула клубтары жоқ. Аудан орталығына өнер,спорт мектебіне баратын балалар қатынаудан қиындық көріп отыр. Тұрғындар демалатын саябағыда қажет. Теңіз жағасында орналасқан ауылға жағажайдағы демалыс қызметтері толық ұсынылмаған. Жастар мен оқушылардың, тұрғындардың спортпен және жаппай дене шынықтырумен шұғылдануына арнаулы спорт кешені және мәдениет ошақтары керек. Бұл жастарды жағымсыз әдеттерден, теріс ықпалдан сақтауға пайдалы болар еді. Олардың қоғамшыл, белсенді, отаншыл рухын және еңбекке деген көзқарасын қалыптастырып, құқық бұзушылықтың азаюына оң ықпал етер еді. Ауыл әкімдігі тарапынан мәдени-спорт кешенінің құрылысын салуға аудан әкімдігіне ұсыныс берілген, ЖСҚ жасақталуда. Мәдени-спорт кешені іске қосылмағанша аудандық спорт және өнер мектептерінің филиалдарын ауылдың білім беру мекемелерінің жанынан ашулуына іс-шаралар алыну ұсынылады. Теңіз жағалауы қажетті инженерлік инфрақұрылымдармен қамтамасыз етілсе, шағын бизнеске қолайлы жағдай туындап, ауыл және қала тұрғындарына жағажай демалыс қызметін ұсынатын болады.
Баутин ауылы бойынша қазіргі таңда аудандық жұмыспен қамту орталығында жұмыссыз 28 адам тіркеуде. Ауылдың әртүрлі әлеуметтік қорғалмаған топтарға мемлекеттік жәрдемақылармен қамтамасыз етіледі. Ауыл бойынша мүгедектер саны –147, даму мүмкіндігі шектеулі балалар саны -33. Мүмкіндігі шектеулі азаматтарға сауықтыру жолдамалары бөлініп отыр. Әлеуметтік қызметкерлер тарапынан 3 – жалғызбасты зейнеткерге күнделікті көмек көрсетіледі. Жұмыссыз азаматтар ақылы қоғамдық жұмыспен, жастар практикасы, әлеуметтік жұмыс орнымен қамтылып отыр. Ауылдың әлеуметтік нысандарда пандустармен қамтылған. Жұмысқа жарамды белсенді тұрғындар жұмыссыздық есебіне тіркелмейді. Мүгедектерді жұмысқа орналастыруда кейбір мәселелер орын алады. ҚОҒАМДЫҚ ҚАУІПСІЗДІК ЖӘНЕ ҚҰҚЫҚТЫҚ ТӘРТІП Баутин ауылында қоғамдық қауіпсіздік және құқықтық тәртібіне жауапты 2 инспектор бар, олар арнаулы көлігімен қамтамасыз етілген. Қоғамдық қауіпсіздік және құқықтық тәртібін күшейту үшін, адамдар көп жиналатын көшелерде, «Інкәр» дүкенінде ( Аташ), кітапхана жанында бейнебақылау жүйесі, ауылдың ішкі, мектеп айналысындағы, «Сән-Салтанат» дүкеннінің жолдарында жылдамдықты шектеуіш «жасанды кедергі», жаяу жүргіншілер, «балалар» белгілерін орнату кажетілігі бар. Ауыл көшелерінде жарықтандыру жеткіліксіз, «Інқәр» дүкенінің айналасы, Амангелді және Берішбаев көшесі, «Сән-Салтанат» дүкеннінің қасындағы жол қиылысына жарықтандырумен қатар жаяу жүргінші жолағы, жылдамдықты баяулату белгісін орнату үшін қажетті шараларды алу ұсынылады.
• Оқушылардың қаладан, Аташ елді мекенінен қатынап оқуына байланысты сыныптан тыс үйірме жұмыстары мен шараларға қамтылуы бойынша қиындықтар бар Білім мекемелерінде спорт залы мен спорт алаңы жеткіліксіз. Аташ елді мекеніндегі бастауыш мектептің буфетінде ыстық ас беруге жағдай жасалмаған. Білім және денсаулық мекемелерінің санитарлық-гигиеналық орындары (әжетханалары) заманауи санитарлық талаптарға сай емес. Медициналық қызмет көрсететін амбулаторияның науқасқа шұғыл қызмет көрсетуге баруға арналған автокөлігі қарастырылмаған. Балалар мен жастардың шығармашылығы мен қабілетін дамытатын, қолөнерге, спортқа баулитын, олардың бос уақытын ұйымдастыруға қажет арнаулы нысандар салынбаған. Мәдениет, спорт кешендері қарастырылмаған. Әлеуметтік сала үшін кадрлардың жетіспеушілігі: физика, математика, технология, өзін өзі тану, орыс тілі пән мұғалімдері, хореограф, саз мамандары тапшы. Баутин ауылында әлеуметтік инфрақұрылым және қызмет ұсыну саласын дамыту перспективалары: М.Горький мектеп лицейіне қосымша спорт залының ғимаратын салу. Ж. Мыңбаев атындағы ұлттық мектеп гимназияның Аташ елді мекеніндегі бастауыш мектеп оқушыларын ыстық тағаммен қамтамасыз ету үшін ғимаратқа су жүйесін өткізу. Білім мекемелерінің санитарлық-гигиеналық (әжетхана) орындарын жаңарту. Баспана, карьерлік өсу мүмкіндіктері, қосымша төлемдер ұсыну жолымен ауылға білім беру саласының мамандарын тарту бойынша шараларды іске асыру. Мәдени - спорт кешенінің құрылысы. Спорт және өнер мектептердің филиалдарын ашу. Әлеуметтік сала мамандары үшін коммуналдық тұрғын үй салу. Қараусыз қалған, ескі, пайдаланбайтын нысандардың жерін сатып алу арқылу әлеуметтік мақсаттар үшін жер мәселесін шешу мүмкіндігі. Медициналық қызмет көрсететін амбулаторияны жеңіл көлікпен қамтамасыз ету. Жастарға, жұмыссыз жүргендерге бизнесті жүргізу негіздеріне оқыту курстарын өтуге мүмкіндік беру, жаңадан бастап жатқан кәсіпкерлерге көрсетілетін мемлекеттік қолдаудың шаралары туралы хабардар ету. Әлеуметтік инфрақұрылым және қызмет ұсыну бойынша SWOT – Талдау
2.3 ИНЖЕНЕРЛІК ИНФРАҚҰРЫЛЫМ ЖӘНЕ ҚОЛДАУ СУМЕН ЖАБДЫҚТАУ Баутин ауылын «Түпқараған су жүйесі» МКК ауыз сумен толық қамтамасыз етіп отыр. Баутин ауылында 22,6 шақырым су құбыры барлық көшеге тартылып іске қосылған, тұрғын үйлердің 70 % қамтамасыз етіледі деп жоспарлаған. Нақты уақытта Баутинде 136, Аташта 10 тұрғын үй орталықтандырылған су жүйесіне қосылған, 668 тұрғын үй тасымал қызметін пайдаланып отыр. Тұрғындар ауласында көкөніс-бақша дақылдарын, мал –жандығын суарудан техникалық судан таршылық көріп отырған жоқ. Орталықтандырылған құбырдан келетін суының кермек дәмі тұрғындарды қанағаттандырмай отыр, сондықтан су құбырын үйге кіргізуге асықпай отыр. Жазғы уақытта тасымал суына деген тапшылық бар. Аташ елді мекенін толықтай сумен қамтуға жобалық сметалық құжаты жасақтауда. Суды үнемдеп пайдалану бағытында түсінік жұмыстары жүргізу қажет.
Негізі ауылда су кәрізінің құбырлары 2014 жылы тартылғанғанмен, жүйе толық аяқталмауына байланысты іске қосылмаған. Қалдық суларды шығару үшін ассенизатор қызметін пайдаланады. Ауылда салынған кәріз құбырларының 41 құдығының қақпағы ашық тұр. Кезінде салынғанмен қазір әр түрлі себебтермен қақапағы жоқ. Тұрғындар алаңдаулы. Ауылдың орталықтандырылған су құбырына қосылуына байланысты, тұрғындар суды көп тұтынатын болады. Бұл өз кезегінде қалдық суды шығару мәселесін туындатуы мүмкін. Кейбір тұрғын үйлердің аумағында тұрмыстық септиктер қарастырылмаған. Әсіресе жаз айларында қалдық суларды көшеге төгу орын алып, антисанитарлық жағдайды туғызады. Осыған байланысты, халықтың өмір сүру деңгейінің жайлылығын арттыру, сондай-ақ экологиялық жағдайды жақсарту үшін, су тазарту жүйесін салумен бірге салынған орталықтандырылған су бұру жүйесінің толық аяқтап, іске қосуды қарастыру керек. Сонымен қатар тұрғындар арасында тұрмыстық септиктерді ауласында орнату туралы түсінік жұмыстарын жүргізу қажет. Су кәріздерінің ашық жақан құдықтарына қақпақ орнату. ГАЗБЕН ЖАБДЫҚТАУ Баутин ауылы Аташ елді мекенімен қоса алғанда үй жылыту және тұрмыстық мақсатта пайдалану үшін тұрғын үйлер 100%-ы орталықтандырылған табиғи газбен қамтамасыз етілген. «Казтрансаймақ» ЖШС тасымалдау мекемесі 829 тұрғын үйді мен әлеуметтік және өндірістік нысандарға газды үзбей беріп отыр. Жеке тұрғын үйдің газ қазандықтарына қызмет көрсететін сервистік орталық қызметіне қажеттілік бар. Баутин ауылына жылыту қазандықтарын жөндейтін мамандар даярлау және сервистік орталық қызметінің қажеттілігі бар. ЭЛЕКТР ЭНЕРГИЯМЕН ЖАБДЫҚТАУ Ауылдық елді мекеннің электрмен жабдықтау жүйесіне «Коммуналдық қызмет» МКК, МРЭК АҚ қызмет көрсетеді. Баутин ауылының тұрғын үйлері және әлеуметтік нысандар электр энергиясына толық қосылған. Жаз айларында электр желісіндегі тоқ күшінің кернеуі төмендейді, себебі тұрғындар кондиционер, сплит система қолданады. МРЭК АҚ нің электр желілерінің, бағаналарының тозу деңгейі жоғары. Қызмет көрсетуші және тасымалдаушы мекемелерге электр желілерін жөндеу және жаңғырту жөнінде ұсыныс беру, және де тұрғындар арасында энергия үнемдейтін технологияларды енгізу жөнінде іс-шаралар өткізу қажет.
Тұрғындардың стационарлық телефонға, 3 ID теле арнасына сұранысы төмен. Ауыл 100 % ОТАУ ТВ қызметін пайдаланып отыр. Коммуналдық қызметі ақысын, зейнетақы алу, басылымдарға жазылу, ақша аудару, несие төлеу бойынша «Казпошта» қызметі тұрғындарға қолжетімді. «Достық», «Шағала» қонақ үйлерінде «Казкоммерцбанк» АҚ банкомат терминалы орналасқан. Ауылда «Халық» мен «Каспии» банкінің банкомат терминалы болмағандығының салдарынан тұрғындар аудан және облыс орталығына қатынайды. «Казпошта» ғимараты ескі, бөлмесі тар, жылытылмайды, жұмыс кестесі сақталмайды. Мамандардың жетіспеушілігіне байланысты тұрғындарға газет, хат тарату қызметі көрсетілмейді. «Халық» және «Каспий» банктің терминалын орнату жөнінде ұсыныс беру, сонымен қатар тұрғындарға мобильдік қосымшамен, старбинкинг жүйесімен төлем төлеуді қолдануды насихаттау қажет. Аташ елді мекенінде «Казпошта» тұрғындарға 2018 жылдан бастап қызмет көрсететін болады. КӨЛІКТІК ҚОЛЖЕТІМДІЛІК Ауыл әкімдігінің бюджетінен қаржы бөлініп оқушыларға тасымал ұйымдастырылған. Бала бақша, мектептердің, кәсіпорындар мен мекемелердің қызметтік тасымалдаушы көліктері бар. Ауыл ішінде тұрғындар такси қызметін пайдаланады. Тұрғындардың басым көпшілігінің жеке автокөліктері бар. Ауыл ішінде, аудан және облыс орталығына қатынайтын қоғамдық көлік қызметі үйлестірілмеген. Өнер, спорт мектебіне баратын балалар, Форт Шевченко қаласынан қатынайтын колледж оқушылары, әлеуметтік саланың қызметкерлері аудан орталығына және қала тұрғындарының Баутин мен Аташқа қатынауында қиындық бар. Такси қызметі ауа райына қарай , жанар май тапшылығы мен бағасына қарай кей кездері қол жетімсіз болады. Такси қызметін сапасын арттыру үшін диспетчер немесе InDriver жүйесін қолдануды ұсыну, сонымен қатар ауыл ішіне жолаушылар тасымалымен айналысатын қоғамдық көлік қызметін ұйымдастыруға мүмкіндік бар.
Ауылдың көліктік инфрақұрылымының ең маңызды проблемасы ауыл ішіндегі автомобиль жолдары қанағаттанғысыз жағдайы болып табылады. Аташ ауылының Ақсамбаев көшесіне 1 км, Баутиндегі Сатимов көшесінің 1,2 км жобалық сметалық құжаты жасақталды, қаржы қарастырылуда. Өскінбаев көшесіне 1,3 км жолына жобалық сметалық құжаттама дайындау жоспарлануда. 3,5 км қара жолға грейдер төселіп, катокпен тегістелетін болады.
Қоқыс қалдықтарының контейнерін мал шашу орын алған. Қатты тұрмыстық қалдықтарды кәдеге жарату жұмыстарымен ауылда айналысатын мекеме жоқ. Азық түлік және тұрмыстық бұйымдардың қораптары шығарылатын қоқыстың көлемін көбейтіп отыр. Шөлмек, баклашка, банкі және тағы да басқа қатты қалдықтарды кәдеге жаратуға, қайта өңдеуге болады. Тұрмыстық қатты қалдықтарды және істен шыққан энергия үнемдегіш лампыларды қабылдау пункттері ұйымдастырылып, қайта өңдеу кәсіпорынын ашуға болады.
Ағаштар тұрғын үйлердің аулаларында өсірілген, көше бойына отырғызылған ағаштардың күтіп баптауында қиындықтар бар. Көше бойында отырғызылған ағаштар бос жүрген малдан зардап шегіп отыр. Жасыл желек отырғызатын қолайлы жер жоқ, тұрғындар демалатын орын жоқ. Ауыл орталығындағы Қ. Берішбаевтың ескерткішінің айналасының күтімі нашар. Жаңбыр жауғанда жолы жоқ көшелерде су жиналып жаяу жүргіншінің жүруіне қиындық туғызады, тротуарлар жеткіліксіз. Көшелерді жарықтандыруда МРЭК АҚ на тиесілі бөлігінде проблема бар. Тұрғындар иттерін көшеге қараусыз жібереді, және де иесіз ит пен мысық көп. Ауылды аббатандыру жұмысына тұрғындарды ынталандыру үшін «Үлгілі аула», «Үлгілі көше», «Үлгілі ТҮМ» байқауларын ұйымдастыруға болады. Көшелерді жарықтандыру, жаяу жүргінші жолын салу, Қ. Берішбаевтың ескерткішінің күтімін жақсарту, демалатын сквер, аллея салу жұмыстарын жоспарға енгізу ұсынылады. Малы мен итін көшеге бос жіберетін азаматтарды әкімшілік тәртіпке жауапқа тарту, көшеде қаңғып жүрген иесіз итті, малды қамайтын арнайы орын ашу жұмыстарын жүргізу арқылы қоғамдық құқық бұзушылықтың алдын алып, ауылда тәртіп орнатуға болады. Баутин ауылының дамуын шектейтін негізгі инфрақұрылымдық жобалар мыналар болып табылады: Ауылішілік автожол желісінің болмауы Аташ елді мекенінің орталықтандырылған ауыз су құбырымен толық қамтылмауы Қоғамдық көлікке қолжетімсіздігі Ауылдың жеткілікті абаттандырылмауы – мәдени-демалыс орындарының, балалар алаңдарының, жаяу жүргінші жолының , көшенің жарықтандырылмауы және басқалардың жетіспеушілігі Су кәріздері құбыры жүргізілгенмен, жүйенің толы бітпеуі іске қосылуына кедергі келтіріп отыр және барлық ауылдың қамтылмауы Қоқыс қалдықтарын өңдеу және жою Орталық құбырдан келетін судың сапасы Ауылдың инженерлік-көліктік инфрақұрылымын дамытудың негізгі басым бағыттары мыналар болып табылады: ауылішілік автомобиль жолдарын жөндеу және салу есебінен ауыл ішінде көліктік қолжетімділікті арттыру орталықтандырылған су құбырын Аташ елді мекенінің қамтылмай қалған бөлігіне жүргізу арқылы ауыл тұрғындарын толықтай ауыз сумен қамтамасыз ету Қоғамдық көлік қызметін үйлестіру Ауылды абаттандыру бойынша одан әрі жұмыстар жүргізу – парк, балалар алаңдарын, жаяу жүргінші жолын салу, жарықтандыру, көгалдандыру, селден қорғау шараларын алу Тұрмыстық қалдықтарды қайтадан өңдеу Су қалдықтарын тазартатын қондырғы салу Су кәріздері жүйесін іске қосу Ресурстарды үнемдеу, ауылды абаттандыру, ауылдағы инфрақұрылымдық жобалардың жобалануын және іске асырылуын қоғамдық бақылау мәселелеріндегі ауыл тұрғындарының қоғамдық белсенділігін арттыру SWOT-талдау
Стратегиялық бөлім 2.1 Көрініс Бәсекеге қабілеттілігі жоғары шағын және орта бизнесі дамыған қызмет саласы бар және шағын кәсіпорындарының саны өсіп отыратын, ауылшаруашылық өнімдерін, ет –сүт, балық, көкөніс, жүн -тері өнімдерін өңдеу цехтары жолға қойылған, жоғары жұмысбастылық және жоғары жалақы деңгейі орын алған қалалық елді мекен. Баутин ауылы аймақтағы өзінің стратегиялық тиімді географиялық жағдайын өзіне тиімді етіп қолданатын болады. Ауыл бизнесі маңайда орналасқан Форт Шевченко және Ақтау қаласындағы сауда нүктелерінде, жәрмеңкелерінде сапалы ауыл шаруашылық (ет-сүт, балық, құс) өнімдерін және өнімдерін шығаруда. Кәсіпкерлер өздерінің жергілікті билік алдында, сондай–ақ ауыл шаруашылық өнімін облыстық және өңірлік нарықтарға шығаруға ықпал ететін мүдделерін ұсынатын қауымдастыққа біріктірілген. Елді мекеннің тұрғындары әлеуметтік инфрақұрылымның барлық қызметтерімен қамтылған. Балаларды мектепке дейінгі мекемелер қызметтерімен 100% және мәдениет үйіндегі үйірмелермен, спорт кешеніндегі секция қызметтерімен қамтамасыз етілген. Ауыл балаларының жабдықталған жайлы мектептерде оқуға мүмкіндігі бар. ауыл халқы заманауи жабдықпен қамтылған медициналық мекемелерге бару қол жетімділігіне ие. Ауылда мәдени-тынығу қызметтері теңіз жағалауында дамыған, гүл бақтары, саябақтар, балалар алаңқайлары сияқты бұқаралық демалыс орындары бар. Мүмкіндігі шектеулі адамдар жұмыс және тынығумен байланысты мәселелерді сезінбейді, ерекше қажеттілігі бар балалар басқа қалыпты балалармен бірге орта мектептерде оқиды, дәл сондай білім алады. Баутин ауылы – орталықтандырылған сумен, ауыл ішілік жолдарымен, ауыл ішінде де, ауылдан тыс жерде де автомобиль жолдары арқылы көліктік қатынаспен қамтылған, жарықтандырылған және абаттандырылған көшелері, саябақтары, тынығу орындары бар өмір сүруге қолайлы жағдайлар жасалған ауыл.
Мақсаттар және басым бағыттар Шағын және орта бизнес 1-ші стратегиялық бағыт: шағын және орта бизнестің қызмет көрсету және өнім өндіру саласын дамыту арқылы Баутин ауылының экономикасын әрі қарай жақсарту. 1-ші стратегиялық бағытқа жету қаланың қолда бар экономика базасына, сонымен қатар пайдаланылмаған экономикалық әлеуетке негізделетін болады. Шағын бизнес бірінші кезекте қызметтер нарығы Баутин ауылы мен Форт Шевченко қаласының 12000 ге жуық тұрғыны мен Баутин портының айлағында орналасқан өндірістік базалардың мұқтаждығын қамтамасыз етуге бағытталуы керек. Бұл тұрмыстық және сервистік қызметтер, сонымен қатар сауда және мәдени-тынығу, ауыл шаруашылығы өнімін өндіру саласы. Әкімдіктің шағын бизнесті қолдаудың мәні мемлекеттік қолдау шараларына ие болуға жәрдемдесу, ауыл халқын шағын бизнес негіздеріне оқытуға жәрдемдесу болады. Шағын бизнесті дамытудың тағы бір маңызды бағыты аудан көлемінде қызметтерін жүргізіп отырған ірі компаниялардың және кәсіпорындардың, мемлекеттік мекемелердің сатып алу жоспарларына ауыл кәсіпкерлерінің енуі болып табылады. Бұл ретте әкімдіктің қолдауы ауыл бизнесін және ірі компаниялардың және кәсіпорындардың өкілдерімен кездесулер ұйымдастыру, сонымен қатар ынтымақтастыққа қажет сертификаттар және лицензиялар алуға жәрдемдесу болады. 1-ші басым бағыт. Ауылдағы шағын және орта бизнестің одан әрі дамуын ауылдағы шағын және орта бизнестің өндіріс көлемдерін, ШОБ жұмыспен қамтылғандар санын арттыру арқылы қолдау Міндет: Келесі бағыттар бойынша ШОБ одан әрі дамуы: Қызмет көрсету саласы (тұрмыстық, мәдени-тынығу, қоғамдық тамақтандыру, қонақ үй сервисі) Жұмыс істеп тұрған және жаңа кәсіпкерлерді оқыту Шағын бизнестің ірі сервистік компанияларға аутсорсингке кіруі Кәсіпкерлердің әлеуметтік жауапкершілігінің дамуы 1-ші басым бағытқа жету индикаторлары: сервис объектілерінде жұмыс жасайтын ауыл тұрғындарының саны қолдау алған стартап жобалардың саны мемлекеттік бағдарламаға қатысып, қолдау алған кәсіпкерлер саны ашылған жаңа кәсіпорындар санының өсуі жаңа кәсіпкерлер санының артуы, соның ішінде жастар кәсіпкерлер қауымдастығының мүше санының өсуі меценат кәсіпкерлер санының өсуі әлеуметтік жауапкершілігі жоғары кәсіпкерлер мен кәсіпорындар саны Экономика және ауыл шаруашылығы 2-ші басым бағыт: Жоғары сапалы ауыл шаруашылығы өнімдері өсіру және өңдеу саласындағы бизнесті дамыту арқылы Баутин ауылының экономикасын әрі қарай жақсарту. Ауылдың мал ұстайтын шаруа қожалықтары бар болғанымен ауыл шаруашылық экономикасы жеткіліксіз дамығандығын айта кету керек. Ауылдың аудан орталығына және өнідірістік базалардың жақын орналасуы, айналасында мал ұстауға және егін егуге қолайсыздау болғанымен, қосалқы шаруашылыққа бөлінетін жер беру мүмкіндігі бар. Ауыл шаруашылығының мал өсіру, балық аулауды дамыту әлеуетіне ие. Осыған байланысты барлық күштерін ауыл шаруашылығында облыстың ірі қала нарықтарына бағыттап мал, құс өсіру, балық аулау, сонымен қатар ет, сүт, балықты өңдеу және олардың өнімдерін шығаруды ұйымдастыруға жұмылдырылғаны жөн. Ауыл шаруашылығын дамыту үшін қажет шаралар әкімдік көмегімен жер телімдерін бөлу, мемлекеттік қолдау шараларына ие болу, агротехникалық шараларды жүргізуге, сонымен қатар персоналды оқыту есебінен ауыл бизнесін белсендіру болып табылады. 2-ші басым бағыт. Ет –сүт өндірісін 20%-ға арттыра отырып, ауылда агроөнеркәсіптік кешеннің дамуын қолдау. Міндет:
Қолда бар экономикалық әлеует негізінде нарық қажеттіліктерін ескере отырып, жұмыстарды жалғастыру: фермерлердің қауымдастыққа бірігуін дамыту ауыл шаруашылығы саласы бойынша өзге өңірлердегі озық тәжірибелермен алмасу малдың тұқымын асылдандыру балық аулау кәсібін жандандыру ет-сүт өнімдерін өңдеу және өндіру балық өнімдерін өңдеу және өндіру құс өсіру мал терісін және жүнді өңдеу жемдік дақылдар өсіру мемлекеттік бағдарламаларды кеңінен насихаттау және қатысуға қолдау көрсету Мал шаруашылығы саласының ветеринарлық қауіпсіздігін қамтамасыз ету бойынша шараларды ұйымдастыру. 1-ші басым бағытқа жету индикаторлары: Фермерлер мен шаруа қожалықтар кооперативтерінің, серіктестіктердің саны біліктілігі артқан фермерлер саны тәжірибе алмасуға қатысқан шаруа қожалықтары, фермерлер саны жаңа технологияны енгізген шаруа қожалықтар саны мемлекеттік бағдарлама бойынша қолдау алған кооперативтер мен серіктестер Ауылда өндірілген көкөніс өнімдерінің көлемдерін 50%-ға ұлғайту өндірілген ет-сүт өнімдерінің көлемдерін 50%-ға ұлғайту ауланған балық көлемі 100 % ға ұлғайту балық өнімдерінің көлемі 50 % ұлғайту құс өнімдерін 50 % ұлғайту жемдік дақылдарды өсіруді қолдау 3.2 Әлеуметтік сала 2-ші стратегиялық мақсат: Баутин ауылының барлық тұрғындары үшін қол жетімді, сапалы әлеуметтік қызметтер және жағдайларды қамтамасыз ету Ауылдың әкімшілік қызметкерлері және серіктестері әлеуметтік инфрақұрылымды дамытуға үлес қосқысы келеді. Бұл үшін ауылдың халқы үшін әлеуметтік инфрақұрылымды және әлеуметтік қызметтерді жақсартуда барлық мүдделі жақтардың күштері талап етіледі. Бұл мәселеде жергілікті қауымдастық мүшелерінің күш салуымен анықталған бірқатар проблемалар бар, ауылдың әлеуметтік инфрақұрылымы жергілікті тұрғындарға тиісті өмір сапасын қамтамасыз ету үшін әрі қарай жақсартуды талап етеді. Өткізілген талдауға сәйкес аумақтың білім беру (мектептік), спортпен мәдениет және денсаулық салаларын жақсарту басым бағыты болып табылады. Аталмыш салалардағы жақсартулар ауылдың әлеуметтік тұрақтылығын қаматамасыз ету үшін қажет. Әрине, ауылдың барлық осы мәселелерді шешу үшін жеткілікті қорлары жоқ. Өңірлерді дамытуға және әлеуметтік қызметтер сапасын жақсартуға (мысалы, денсаулық сақтау және білім беру саласында) арналған мемлекеттік бағдарламаларды іске асыруға белсенді қатысу, сонымен қатар үкіметтік емес ұйымдар және бірлестіктердің қорларын тарту қажет. Осы себептермен атталмыш саланың дамуы келесі бағыттарда шоғырланатын болады: 1-ші басым бағыт: ауылдық мектептегі білім берудің қолжетімділігі мен сапасын көтеру болып табылады. Міндет: 1-басым бағытты іске асыру бойынша жұмыс: А.М.Горький мектеп –лицейінде спорт залының құрылысы Ж.Мыңбаев атындағы ұлттық мектеп-гимназиясының жанынан ұлттық қол өнер орталығының құрылысы Ж.Мыңбаев атындағы ұлттық мектеп-гимназиясының аумағында автотұрақ орынын бөлу және талапқа сай жабдықтау Мектептерді талапқа сай сыртқы спорт алаңдарымен қамтамасыз ету. Мектептерде жылуымен және суымен қамтамасыз етілген санитарлық бөлмелердің (әжетханалар) қосымша құрылысын жүргізу Аташ елді мекеніндегі бастауыш мектептің буфет бөлмесіне су жүйесін өткізу Білім саласы мекемелерін мамандармен қамтамасыз ету 1-ші басым бағытқа жету индикаторлары: А.М.Горький мектеп –лицейінде денешынықтыру пәні сапалы өткізіледі, оқушылар спортпен шұғылдануға 100 % қамтылады Ж.Мыңбаев атындағы ұлттық мектеп-гимназиясының жанынан ашылған ұлттық қол өнер орталығына қатысатын балалар мен азаматтардың саны 30% құрайды. Ж.Мыңбаев атындағы мектептің тасымал автобустарына арналған автотұрақ балаларға ыңғайлы және 100% қауіпсіз. Ж.Мыңбаев атындағы ұлттық мектеп-гимназиясының спорт алаңы мектеп оқушыларын 100 % қамтиды Мектептер оқушылары мен мұғалімдері замануи санитарлық талаптарға сай санитарлық бөлмелермен (әжетханалар) 100% қамтылған Аташ елді мекеніндегі бастауыш мектептің оқушылары ыстық тағаммен 100% қамтылған 2-тен 6 жасқа дейінгі бала 100 % мектепке дейінгі қызметтерімен қамтылған білім саласының мамандар тапшылығын 0% ға дейін қысқарту 2-ші басым бағыт: Ауылдағы мәдениетті және спортты дамыту Міндет: 2-басым бағыты іске асыру бойынша жұмыс: Спорт, мәдениет салаларын дамыту арқылы ауыл тұрғындарын айналысуы үшін қолжетімділікті қамтамасыз ету • Мәдениет және спорт мекемелерін дамыту • мәдениет және спорт саласы мекемелерін мамандармен қамтамасыз ету 2-ші басым бағытқа жету индикаторлары: ауыл тұрғындары спорт –мәдени кешенінің қызметімен 100 % қамтылды балалар спорт және өнер мектептерінің қызметімен 100 % қамтылды балалар мен жастардың шығармашылығы мен қабілетін дамытатын өнер мектебі қызметімен қамтылған ауыл балалар саны 30% құрайды Дене шынықтырумен және спортпен шұғылданатын азаматтарды саны 30% өсті 3-ші басым бағыт: Ауыл халқының денсаулығын нығайту Міндет: медициналық көмек көрсетудің сапасы мен қолжетімділігін көтеру Денсаулық сақтау саласының материалдық техникалық базасын жетілдіру 3-ші басым бағытқа жету индикаторлары: ауыл тұрғындары сапалы медициналық қызметпен 100 % қамтылған ауыл амбулаториясы автокөлікпен қамтылған тұрғындардың медициналық қызмет көрсету мекемесінің сапасына қанағаттану деңгейі артты 4-ші басым бағыт: Қоғамдық тәртіпті және жол қозғалысының қауіпсіздігін қамтамасыз ету Міндет: 4-басым бағыты іске асыру бойынша жұмыс Тұрғындардың қауіпсіздігін қамтамасыз ету үшін асфальт жол бойына «жасанды кедергілер», жаяу жүргіншілер, белгілер мен қараңғы көшелерге жарық шамдар, бейне бақылау камераларын орнату 4-ші басым бағытқа жету индикаторлары: • Ауыл ішінің жолдарының қауіпсіздік деңгейі 100 % артты • Ауылдық округта жол көлік оқиғасынан зардап шеккендер 0 % - ке төмендеді
Тәртіп бұзышылық 100 % төмендеді 5-ші басым бағыт: Әлеуметтік қорғау Міндет: 5 - басым бағыты іске асыру бойынша жұмыс Жұмыспен қамтуды, әлеуметтік көмектің және әлеуметтік қызметтер көрсетудің тиімділігін арттыру Мемлекеттік бағдарламалар арқылы жұмыспен қамтамасыз ету 5-ші басым бағытқа жету индикаторлары: Жұмыссыздық деңгейі 50 % төмендеді Мұқтаж топтар арнайы әлеуметтік қызметтермен 100 % қамтылған 3.2.3 Инженерлік-көліктік инфрақұрылым Стратегиялық мақсат: Баутин ауылының тұрғындарын сумен, электрмен, газбен жабдықтауды жақсарту үшін барлық коммуналдық компаниялар, әкімдік және халық арасындағы тығыз ынтымақтастық, көліктік қолжетімділікті арттыру, өмір сүрудің жайлы жағдайларын ұйымдастыру. Стратегиялық мақсатқа Баутин ауылының әкімдігі, комммуналдық кәсіпорындар, Жоспарлау жөніндегі комитет және ауыл тұрғындары арасындағы бірлескен және үйлестірілген қызмет есебінен қол жеткізілетін болады. Бұл ретте, аталған барлық мүдделі тараптар айқындаған жобалардың іске асыру басымдығы болады. Осындай әріптестіктердің арқасында жергілікті халық ауылдық округті инфрақұрылымдық қамтамасыз етудегі ең маңызды және басым проблемаларды айқындауға және олардың шешімін іздестіруге қатысатын болады. Әкімдік Жоспарлау жөніндегі комитетпен, белсенді тұрғындармен бірлесіп, қолда бар ресурстарды оңтайлы пайдалану, инфрақұрылым саласындағы жобалардың іске асырылуын қоғамдық бақылаудың тиімділігін көтеру, халықтың өз елді мекенін абаттандыруға деген қызығушылығын арттыру мәселелері бойынша ауылдық округ тұрғындарының арасында үгіттеу іс-шараларын өткізетін болады. Жоспарланған кезеңде ауыл тұрғындарының алдында ауыл ішілік жолдарды жөндеу және жаңа жолдар салу және көліктік қолжетімділікті арттыру, абаттандыру, кәріз жүйесі, экология бойынша проблемалар өзекті күйінде қала бермек. Жоспарланған кезеңде стратегиялық мақсатқа жету үшін, жұмыс мына басым бағыттар бойынша жүзеге асырылатын болады:
Міндет: 2-басым бағытты іске асыру бойынша жұмыс: • жолды жөндеу және жаңаларын салу есебінен ауылішілік автожол желісін одан әрі дамыту арқылы жүргізіледі
• Ауыл ішіндегі жақсы және қанағаттанарлық жай-күйдегі автомобиль жолдарының үлесі 50 % құрайды - 8 шақырым асфальт, 50 % - 8 шақырым қатқыл табанды жол. 2-басым бағыт. Халықты орталықтандырылған құбыр арқылы сапалы ауыз сумен қамтуды 100%-ға жеткізу Міндет: 2-басым бағытты іске асыру бойынша жұмыс: • Аташ елді мекеніне су құбырлары желісін жүргізу арқылы ауыз сумен толық қамтамасыз ету арқылы тұрғын үй иелерімен 100 % келісім шартқа отыру орталықтандырылған су құбыры тұрғын үй ауласына 100 % кіргіздіру бағытындағы насихат жұмысын жүргізу 2-басым бағытқа қол жеткізу индикаторлары: Халықты орталықтандырылған сумен жабдықтаумен қамтудың 100%-ға дейін артуы орталықтандырылған су құбыры 100 % тұрғын үй ауласына кіргізілді және келісім шартқа отырды Ауыл тұрғындарының жергілікті коммуналдық қызметіне қанағаттанушылық деңгейінің өсуі 3-басым бағыт. Ауыл тұрғындарына аудан орталығына және ауыл ішіндегі қоғамдық көлік қызметін қол жетімді ету Міндет: 3-басым бағытты іске асыру бойынша жұмыс: Аудан және ауыл ішілік Форт Шевченко - Баутин- Аташ бағыты бойынша қоғамдық көлік қызметін үйлестіру 3-басым бағытқа қол жеткізу индикаторлары: Форт Шевченко- Баутин- Аташ бағыты бойынша қоғамдық көлік ауыл тұрғындарына қызмет көрсетуде Ауыл тұрғындарының қоғамдық көлік қызметіне қанағаттанушылық деңгейінің өсуі 4-басым бағыт. Баутин ауылын абаттандыру және экологиялық ахуалды жақсарту Міндет: 4-басым бағытты іске асыру бойынша жұмыс: ауыл тұрғындарының мәдени-демалыс орындарын (парктер, балалар ойын алаңдарын және басқаларын) ұйымдастыру көшелерге жарық шамдарын орнату көгалдандыру («Өз ағашыңды отырғыз», «Біздің үйдің бағы»), тротуарлар орнату жөніндегі іс-шараларды жүргізу арқылы ауыл көшелерін абаттандыру Аташ елді мекеніндегі қарғын жүретін жерлерді алдын алу жұмыстарын жүргізу арқылы жобаланып және іске асырылып жатқан жобаларға қоғамдық бақылауды арттыру тұрғындарды көгалдандандыруға, безендіруге бағытталған түрлі конкурстарды өткізу арқылы халықты ауылды абаттандыру үдерісіне тарту 4-басым бағытқа қол жеткізу индикаторлары: Ауылдық округ тұрғындарының жаңа парктер мен қоғамдық орындарды пайдалануға қанағаттанушылық деңгейі 80%-ға дейін өседі Қ.Берішбаев ескерткішінің айналасы абаттандырылады қарғыннан қорғауды жетілдіру (Аташ елді мекенінде) Көшелердің жалпы санындағы көгалдандырылған көшелердің үлесі 50% құрайды Жаяу жүргінші жолы қамтамасыз етілген көшелердің үлесі 70% құрайды МРЭК АҚ қызмет көрсететін көшелерге түнгі жарық шамдарын орнатылды Тұрғындардың жаңа балалар ойын алаңдарын пайдалануға қанағаттанушылық деңгейінің өсуі Конкурсқа қатысқан көше, аула, саны өсуі Жобаларға жүргізілген қоғамдық бақылаудың қорытындысы және берілген ұсыныстар 5-басым бағыт. Қатты тұрмыстық қалдықтарды кәдеге жарату және орталықтандырылған қоқыс жинау проблемалары Міндет: 5-басым бағытты іске асыру бойынша жұмыс: Қатты қалдықтарды кәдеге жарату қайта өңдеу арқылы жүзеге асырылады 5-басым бағытқа қол жеткізу индикаторы: Қатты қалдықтарды және істен шыққан шамдарды қабылдау орындарымен қамтамасыз ету және өңделген қалдық көлемі Қатты қалдықтарды кәдеге жарату қайта өңдеу цехтарында өндірілген өнім көлемі 6-басым бағыт. Электрмен және газбен жабдықтау Міндет: 6-басым бағытты іске асыру бойынша жұмыс: Ауылдың трансформаторлардың қуаттылығын жаңғырту, электр беру желілерін жөндеу энергия үнемдейтін технологияларды енгізу жөнінде іс-шаралар өткізу газбен үздіксіз қамтамасыз ету арқылы жүргізіледі 6-басым бағытқа қол жеткізу индикаторлары: Ауылдағы трансформаторлардың қуаттылығының 100%-ға дейін көтеру Ауылды электр энергиясымен қамтамасыз ету, желілер мен трансформаторларға қызмет көрсетудің сапасын 100 % ға арттыру газбен жабдықтаумен және қамтамасыз етудің сапасын 100 % ға арттыру Іс шаралар жоспары 1-ші стратегиялық мақсат
2-ші стратегиялық мақсат
3-ші стратегиялық мақсат
жүктеу/скачать 272,56 Kb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||