Мамасерікова Ш. · М
жүктеу/скачать 1,6 Mb.
|
- Бұл бет үшін навигация:
- ӘДІЛЕТ ПЕН ІЗГІЛІК
| АҚЫЛЫ АЗЫҚ АҒА ЕДІҢ ...
Меркідегі Нартаев Еркелетсе марқайып, Төбем көкке жеткендей Жүруші едім шалқайып. Жүректі улар зіл сөзден, Пәле-жала, тіл-көзден. Сақтан дейтін қашан да, Миды ашытар кіл езден. Даурығатын құр босқа, Сабырсызға үн қоспа. Дейтін және жолама, Алдап, арбар жылпосқа. Құрған қақпан, торлардан, Қазған терең орлардан. Аман өткін деуші еді, Асу бермес жондардан. Қиындыққа бүгілме, Үміт үзіп үгілме. Деген ақыл-кенесің Жеткізді, аға, бүгінге. Парасатты бағыңнан Естілмейді лағыл ән. Ажыратты сұм ажал Тіршіліктің тағынан. Түріп қайғы түндігін, Тәубалайтын күн бүгін. Бәйтерек боп өсіп тұр, Артта қалған шыбығың!.. ӘДІЛЕТ ПЕН ІЗГІЛІК Әділет пен ізгілік бірге туған егіздей, Ақиқаттың келеді жүзін төмен дегізбей. Әділет пен ізгілік қарашығы көзіңнің, Ауытқысаң бұлардан дәмі кетер сөзіңнің. Әділет пен ізгілік әлде екі қолың ба, Екеуінен бас тартсаң бола қоймас жолын да. Әдiлeт пен ізгілік, бәлкім, екі аяғын, Сүрінгенде сүйенер тіренішің, таяғың. Әділет пен ізгілік ала жіпті аттамау, Бейкүнәні бекерге тіл тигізіп даттамау. Әділет пен ізгілік қымбат тәж бен тақтан да, Құтқарады шырылдап шындық жылап жатқанда. Мәуесі мол ағашқа көп тиеді тастар да, Әділетті болғайсын көшті алға бастарда... АҚИҚАТ Ақ пен қара мәңгілік күреседі, Арпалысып үнемі тіреседі. Зұлымдықтын өлшеуі өкініш боп, Ар-ұяттың ізгілік гүлі өседі. Қанаттары арманның қырқылмасын, Жағалары үміттің жыртылмасын. Жүректерге шаншудай қадалатын, Жалғандыққа бүйрегің бұрылмасын. Адалдықтын төнсе де бұлт басына, Тарих кепіл арамдық ұтпасына. Алмас қылыш жатпайды қап түбінде, Қол жеткізер ақиқат тұтқасына. Шапшып күйе жақса да жауыздықтар, Шындық - жүген бәрібір ауыздықтар. Шәкәрім мен Ілияс, Мағжандар боп, Халқыменен қайтадан қауышты ұлдар. Өрге жүзбес өтірік күдік - қайық, Шын сөз - шипа екенін ұмытпайық. Әділеттін ақ туы желбіресін, Ақиқатқа бас иіп ұлықтайық!!! ШЫНДЫҚ «Шындық деген не?» деп менен сұрашы, «Ол - адамның бағы» дер ем расы. Толық жауап сауалыңа береді, Төле, Әйтеке, Қазыбек би мұрасы. Әділ жаннан ай мен күндей арайлы, Ізгіліктің шапағаты тарайды. Алмас қылыш шықпас жасық темірден, Даналарға жұрт қызығып қарайды. Кір шалдырмай ата-баба даңқына, Жиреншедей қызмет еткен халқына. Қазыбек би, Әйтеке би, Төле би Мәңгі өшпес сөз қалдырған артына. Өтіріктің күйдіретін уына, Жағымпаздың маңайына жуыма. Ақиқат пен шындық - ердің ырысы, Дақ түсірме адалдықтың туына!.. АҒА БИІ АЛАШТЫҢ Ақ едің әділеттің шамын жаққан, Адалдық арайынан таңың атқан. Мүмкін бе Мұсабектей ер шықпауы, Сыпатай батыр туған шаңырақтан. Ұлтының ұлағаттап мұң - арманың, Қашан да ақиқатқа құмар жаның. Алғысқа бөлене бер ізгілікпен, Тірліктің серпіп түнек тұмандарын. Шыңынан атақ-даңқтың көз caп тұрып, Қарайсың жан-жағыңа жұмсақ күліп. Қақ жарған қара қылды Мұсабекті Отырмыз Төле биге ұқсастырып. Көтеріп арқасына заман жүгін, Патшаның қасында жүр ағам бүгін. Жамбыл мен Бауыржанның ұрпағына, Тілеймін тіл мен көзден амандығын! АЛҒЫС Жүйкемдегі қуып қарлы боранды, Жасадың сен азаматтық жоралғы. Күдер үзіп жоғалғанда сенімім, Көктем қайта жазирама оралды. Шарпығанда күміс лебіз толқыны, Шаттанғаннан көз ілмедім сол түні. Шырайландым қызғалдақтай құлпырып, Шашыма әкеп таққандай жүз шолпыны. Шуағыңнан жапырақ жайып көгердім, Қайтіп қана жақсылығынды өтермін. Қасіреттің дауылынан күйреген, Қайратымның шаңырағын көтердің. Ұрлатқан ем кербез әуен, сазымды, Тапқандаймын тәтті науат наз үнді. Тұтқын болған қаншама жыл қайғыға, Жүрегімнің шер-шемені жазылды. Неткен жансың маңдайдағы сорды ұққан, Кім сүрінсе сүйеп жүрсің қолтықтан. Жер бауырлап жатқанымда тұрғыздың, Алғыс айтам Мұсабекке сондықтан!.. ӘДЕМІ ӘЙЕЛ Атың - Бақыт, Бақыттысың өзің де, Сұлулық бар нұрлы қара көзінде. Уылжыған қызыл шие ерніңнен, Уыздай боп естілер бал сөзің де. Алты алаштың ардақтаған арысын, Пір тұтатын парасатты жарысың. Тұлпарынды баптау үшін бәйгеге, От пен суға түскеніңнің бәрі шын. Асқарына шыққан атақ-даңқтың, Батыр ұлға лайық құрмет таныттың. Мәртебелі отбасында жүрген соң, Әр қадамың назарында халықтың. Алға апарар әділеттің кемесін, Ақиқаттың жеңеріне сенесің. Ар - намыстың ақ байрағын көтерген, Айбозынды періштелер жебесін. Алғыс пенен бата алып еліннен, Абыройын асқақтатқан келін ен. Хақ Тағалам қарапайым жаратқан, Қалай ғана жыр етпейін сені мен?! Қыз баладай құлын мүше, гүл мүсін, Ұлы Абайдың Тоғжаныңдай түр, пішін. Тал бойына жарасып тұр бәрі де, Паш еткендей әдемі әйел үлгісін!.. жүктеу/скачать 1,6 Mb. Достарыңызбен бөлісу:
|