Мамасерікова Ш. · М
жүктеу/скачать 1,6 Mb.
|
| Қайырлы таң, туған ел!
ҚАЙЫРЛЫ ТАҢ Шың басына қызғылт сәуле өрмелеп Таң келеді ару қыздай еркелеп. Ақ саусағы шырт ұйқыдан жұлқылап, Қуып жатыр қара түнді желкелеп. Атқан таңның естіген соң от әнін. Қараңғылық шешетін мүлде шапаның. О, жарық күн! Құтты болсын қадамың, Қайырлы таң, қазақ елі, Отаным! Алтын арай нұр шапаққа боянған, Қайырлы таң! Беу, табиғат, оянған! Кім бар дейсің мынау жалған фәниде, Тіршіліктің қызығына тоя алған. Өткен күнге етіп дәйім қанағат, Жаңа күннен күту ләзім шапағат. Қайырлы таң! Тап-таза ауа, мөп-мөлдір, Туған өлкем, жері – жұмақ, бағы – абат. Ақ қайыңдар бой түзесе жадырап, Бас изесіп сыбырласар жапырақ. Қайырлы таң! Қарлығашы сайраған, Қызғалдағы жұпар шашқан атырап. Айдыныңда аққу жүзген көлдерім, Ай мүйізді арқары бар шөлдерім. Қайырлы таң! Тобылғылы терең сай, Қарақаты балдай тәтті белдерім. Самғап ұшқан сұңқарлары қаланың, Желден жүйрік тұлпарлары даланың. Қайырлы таң! Мен тілеймін сендерге, Нұры жаусын мейірімді Алланың!!! * * * Тыныштық тербеп ұйқыда жатқан қаланы, Тәтті түс көріп жымиған сәби баланы. Арайлы таңның алқызыл нұры аймалап, Оятар тауды, құла дүз, қиян даланы. Уыз ұқысын қимастан жұмыс жанарын, Тыңдаса қайың бозторғайлардың бал әнін. Ақ сәуле нәзік саусақтарымен сұлу Күн, Тас-талқан етер қап-қара түннің қамалын. Таңғы ауа қандай бүлдірген исі аңқыған, Тынысың кеңіп, жадырап жүрек шалқыған. Төрт түлік шұбап өріске қарай бет алса, Қаз-үйрек көлде мамырлай жүзіп қалғыған. Қарсы алса Күнді егісте астық жайқалып, Қуанып желмен билейді бидай шайқалып. Махаббат толы мүбәрәк таңын сыйлаған, Мейрімі шексіз Тәңірге тәуба айталық. Қызықтап күннің өрмелеп көкке шыққаның, Ғажап қой, шіркін, тап-таза ауа жұтқаның. Ғанибет шығарм қамшыдай қысқа ғұмырда, Алтыннан қымбат әр таңның құның ұққаның. Аспандап ұшып қыран жүр іздеп азығын, Тыпыршып тұлпар айналып жатыр қазығын. Ардақты елім, шапағат төгіп бәріңе, Арайлы таңның бұйыртсын Алла нәсібін!.. жүктеу/скачать 1,6 Mb. Достарыңызбен бөлісу:
|