Мамасерікова Ш. · М
жүктеу/скачать 1,6 Mb.
|
| ҰЛТТЫҚ ДӘСТҮР
Қас қағым сәт үнемі қозғалыста болады, Қызғалдақ та құлпырған күз келгенде солады. Өзгереді тау мен тас, мұхит, өзен, арал да, Тек мызғымас салт-сана, дәстүрге бақ қонады. Ымыраға шақырып ынтымақты жақтаған, Құлы болмай құлқынның ел сенімін ақтаған. Алты бақан ала ауыз атанбайды ағайын, Татулықты қыл өтпес бір ашуға сатпаған. Арманыңа адамдар жете алмайды діттеген, Үйге келген қонақты құдасындай күтпеген. Дастарханың әрқашан кең жайылып жатсын деп, Бабаларым біздерге ұлы міндет жүктеген. «Қызыр шығар қырықтың - бірі» деумен әсілі, Тарылмаған пейілі, таусылмаған нәсібі. Сан ғасырлық белестен аттап өтіп қазақтың, Мұра болып келеді меймандостық кәсібі. Қорған бола білдің бе қысылғанда қосшыңа, Қиын сәтте қол ұшын бере алдың ба досыңа. Үш жүз алпыс тамырын мейірлене соқса егер, Ұлттың рухы бар сенде! Қуанамын осыңа!!! АТАЖҰРТ Қорған болған жеріне, Қиын-қыстау заманда. Қыдыр қонған төріне, Құлан халқы, аман ба?! Бұзылмаған қаймағы Бірлігіннен айналдым. Бақ-дәулеттің аймағы Тірлігіннен айналдым. Асқақ рухтан туылар Дәл өзіндей ел бар ма. Шөбі - дәрі, суы - бал Жалпақсаздай жер бар ма. Айтқан сертте тұра алған Ұлдарыннан айналдым. Қызғалдақтай бұралған Қыздарыңнан айналдым. Қонақ бол деп шақырған Пейіліннен айналдым. Сары қымыз сапырған Келініңнен айналдым. Тентектерін құрықтар Қарттарыннан айналдым. Ұлт мүддесін ұлықтар Салттарыңнан айналдым. Ақылы елдің азығы Даналардан айналдым. Үйдің алтын қазығы Аналардан айналдым. Жұлдыздарың самсаған Бабалардың көзіндей. Асан қайғы аңсаған Жерұйықтың өзіндей. Тағлымының бәрі ізгі, Тілер бізге ырыс-құт. Аяулы анам тәрізді Ыстықсын сен, атажұрт! жүктеу/скачать 1,6 Mb. Достарыңызбен бөлісу:
|