Мамасерікова Ш. · М
жүктеу/скачать 1,6 Mb.
|
| ЖАЛПАҚСАЗ
Жан анамның атақоныс, мекені, Жұртқа аян жұмақ өлке екені. Жотасында жауқазындар жайқалған, Жалпақсазым - бақытымның бекеті. Құшағында ынтымақтың желі ескен, Қияқ мұрт пен қиғаш қастар тен өскен. Қаймағы еш бұзылмаған Жалпақсаз, Қыдыр қонған қордалы ауыл емес пе ең?! Қайда жүрсем көз алдымда елесің, Қымбат маған ой-шұқырын, белесің. Ұрпағымның жанса екен деп жұлдызы Ұл-қызына ұлтарақ боп келесін. Достарыммен асыр салғам төсінде, Балалықтын бал дәурені есімде. Сенін арқаң туған жерім - Жалпақсаз, Сән түзесем тіршіліктің көшінде. Бұлбұл құстай, қарлығаштай сайраған, Арманымның алдаспаның қайраған. Аңқылдаған әжелерім қаншама, Нәрлі қымыз баптап, бие байлаған. Алқабына арпа, бидай сепкізген, Адал енбек мұратына жеткізген. Жалпақсаздың ел-жұртынан айналдым, Шабыт беріп жыр нөсерін төккізген!.. АУЫЛЫМ Тамыр жайған туыстарым, бауырым, Тұрымтайдай түлеп ұшқан ауылым. Жайма шуақ көктем түгіл, жаз түгіл, Жылы ұшырар қарлы боран, дауылың. Жуасы мол жоталардың қолтығы, Жауқазындар, сарғалдақтар толқыны. Жалпақсаздың салтанатын паш етер, Қора толы қойларының қоңдығы. Ауласына беріп дәйім сән, көрік, Албырайды уылжыған алма, өрік. Аспандағы жұлдыздар да түн бойы Кірпік қақпай қадалады таң көріп. Ырыс-құт боп адал термен тапқаны, Көсегесін көгертеді баққаны. Топырағыңнан айналайын, туған жер, Аяғымнан тік тұрғызған ақ наны. Ыстық маған қаз-үйрегің, тауығың, Тілді үйірген қарбызың мен қауының. Ақордам да, Астанам да өзіңсің, Атақоныс, алтын бесік ауылым!!! жүктеу/скачать 1,6 Mb. Достарыңызбен бөлісу:
|