Мамасерікова Ш. · М
жүктеу/скачать 1,6 Mb.
|
| ҮШІНШІ БӨЛІМ
САРЫ УЫЗ САУМАЛ СЕЗІМ ЖЫР ТІЛІНДЕ ҚАРИЯЛАР Тәлтіректеп кәрілікпен қауышқан, Қарт кісіні деме күшін тауысқан. БуырҚанған теңіз еді бір кезде, Қайраты оның жас толқынға ауысқан. Құны түспес сынығындай алтынның, Қариялар - мақтанышы халқымның. Қашан көрсем әңгімелеп отырар, Шежіресін ұлттық әдет-салтымның. Кеуделері нұрға толы аталар, Күндіктерін кір шалмаған апалар. Ақылдарынды азық етсе ұрпағың, Арман кілтін қиналмай-ақ таба алар. Атанса да бір әулеттің тірегі, Сәл нәрсеге жараланғыш жүрегі. Қартайғанда дана әрі бала боп, Кемпір-шалдар қызық дәурен сүреді. Ақ сұңқардай ілетұғын каққызбай, Ішкі ойыңды біліп тұрар айтқызбай. Көз жұмғанша қорғаштайды ұл-қызын, Тіршіліктің ащы дәмін татқызбай. Елге арнаған жастық жалын шақтарын, Жаны жомарт, мәуесі мол бақтарым. Туған жердің қазынасы сендерсің, Көкірегі алтын сандық қарттарым!.. ӘЖЕ Арқан есіп, жіп иіріп қаласа, Өрмек құрып тоқушы еді алаша, Жібектей ғып жүнін түтіп берсең сен, Беттен сүйіп қуанатын балаша. Ағайынның текеметін басатын, Ауылда одан шебер жан жоқ асатын. Қол үздігін жоқ-жітікке таратып, Ақ сұңқардай несібесін шашатын. Еңбегімен ел көзіне еленген, Екі жалған бақытына бөленген. Таудай талап мұратына жетелеп, Төккен тердің қарымтасы төленген. Қошемет пен құрмет, атақ тапқанда, Қайран әжем салынбаған мақтанға. Қойдан жуас еске аламын мінезін, Құрақ көрпе төрге төсеп жатқанда. Парасаттың ұстап өткен тізінін, Патшасындай көрінетін ізгінің. Әулиедей әз тұтатын әр әулет, Сол әжені сағынамыз біз бүгін. Игі ісінің халық көрген пайдасын, Асыл әжем, Аяулы әжем, қайдасың? Сырдың суы сирағынан келмейтін, Селтең қаққан қыздарға не айтасың?! ӘЖЕ РУХЫМЕН СЫРЛАСУ жүктеу/скачать 1,6 Mb. Достарыңызбен бөлісу:
|