Ата-баба ерлігі арқасында!

Ата-баба ерлігі арқасында!

2017 жылдың мамыр айының 16-жұлдызында Қызылорда көпсалалы гуманитарлық-техникалық колледжінде 9-мамыр – Жеңіс күні мерекесіне орай колледж «Жастар ісі жөніндегі» комитеті, облыстық ішкі саясат басқармасы және «Ару-Ана» қоғамдық бірлестігінің ұйымдастыруымен батыр бабаларымызға құрмет көрсетіп, ерліктерін насихаттау арқылы жас ұрпақты тәрбиелеуге бағытталған «Ата-баба арқасында!» атты Ұлы Отан соғысы, Семей полигоны, Чернобыль АЭС, Ауған соғысы ардагерлерімен кездесу кеші өткізілді.

Кездесу кешіне облыстық ішкі саясат басқармасының «Қазақылықтың атамекені» қоғамдық қорынан, «Ару-Ана» қоғамдық бірлестігінен, «Қызылорда облысының Қорғаныс істер жөніндегі департаментінен», «Жас Отан» жастар қанатынан өкілдер келіп қатысты.  

Кеш барысында студенттерге ардагерлердің ерліктері жайлы мәліметтер беріліп, ізгі қоғам, жарқын болашақ үшін жасампаз қадам жасап, елі үшін ауыр қасірет зардабын тартқан абзал азаматтарымыздың рухына бас иіп, 1 минут үнсіздік арқылы еске алу рәсімі өтті.

Ұлы Отан соғысы ардагері, 10 бала тәрбиелеп өсірген батыр Ана Есқараева Бибіқадиша, қалалық ардагерлер кеңесінің төрағасы Әбішев Сайлаубай өз сөздерінде батыр бабаларымыздың ерлігі мен ерен еңбегін жас ұрпақ жадында мәңгі сақтау керек екендігін айтты.

Кеш соңы колледж «Жастар ісі жөніндегі комитеті» белсенді студенттерінің концерттік бағдарламасымен жалғасты. Студенттер өз кезегінде ата-баба ерлігін ешқашан ұмытпайтындарын, мәңгі есте сақтайтындарын айтып, алғысын білдірді.

Қызылорда көпсалалы гуманитарлық-техникалық колледжінде 18-сәуір – Халықаралық ескерткіштер мен тарихи орындарды қорғау күніне орай «Тарихи мұраны сақтау – біздің борышымыз!» тақырыбында концерттік-танымдық бағдарлама өткізілді

1983 жылы Юнеско жанында құрылған ескерткіштер мен тарихи орындарды қорғау мәселелері бойынша Халықаралық кеңестің Ассамблеясының шешімімен 18-сәуір – Халықаралық ескерткіштер мен тарихи орындарды қорғау күні болып бекітілген болатын. Осы күні әр елде бүкіләлемдік тарихи-мәдени мұраны сақтап қалуға бағытталған түрлі іс-шаралар өткізу дәстүрге айналған.

Қызылорда көпсалалы гуманитарлық-техникалық колледжі студенттері де осы дәстүрді жалғастырып, «Шұғыла» мөлтек ауданында орналасқан  Бұқарбай батыр ескерткішінің алдында көпшілікке арналған «Тарихи мұраны сақтау – біздің борышымыз!» тақырыбында концерттік-танымдық бағдарлама қойды.

Бағдарлама барысында Қазақстан аумағында, оның ішінде Қызылорда облысы бойынша мемлекеттік қорғауға алынған тарихи ескерткіштер туралы ақпарат беріліп, азаттық жолында мың өліп, мың тірілсе де ұланғайыр жері мен имандай ұйыған елінің тұтастығын көзінің қарашығындай қорғап өткен тарихи тұлға Бұқарбай бабаның өмірі жайлы да айтылып өтті.

Концерттік-танымдық бағдарлама Тәуелсіз Республикамыздың іргетасын нығайтып, оны гүлдендіріп, көркейтетін жастарекендігін айтумен,  дарынды деген атқа лайық, биіктен көрінетін білім иелері болуларына тілектестік білдірумен, және ата салтын ардақтап, әрқашан абырой биігінен көрінейік деген үлкендердің батасымен аяқталды.