Сурдоандрагогика(«андрагогика» термині гректің aner, аndros – ересек адам және agugl – басшылық, тәрбиелеу деген сөзінен шыққан) есту қабілеті зақымдалған ересек адамдарды оқыту, білім беру және тәрбиелеудің теориялық және практикалық мәселелерін зерттейді. Аталған мәселелердің ішінде кәсіби білім беру (бастапқы,орта, жоғары), әлеуметтік бейімдеу мен әлеуметтік–кәсіби оңалтуға бағытталған педагогикалық көмекті белсендендіру.
Жабық таңдау– сөйлеу тілін естіп қабылдауын дамыту жұмысы кезінде қолданылатын сөздік материалдардың шектеулі екендігін білдіреді. Яғни баланың алдына қойылған сөздер ғана есту арқылы тануға, ажыратуға беріледі.
Ашық таңдау – сөйлеу тілін естіп қабылдауын дамыту барысында қолданылатын сөздік материалдардың шексіздігі. Яғни баланың естіп қабылдауы үшін берілетін сөздерді бала алдын ала білмейді. Кез келген сөздері шексіз таңдаудан алып беріледі.
Дактилология– саусақ әліппесі. Естімейтін тұлғалалар дактилология білетін еститін адамдармен қарым қатынас жасау құралы болып табылады.
