31 мамырда, Саяси қуғын-сүргін және ашаршылық құрбандарын еске алу күнінде, Саяси қуғын – сүргін және тоталитаризм құрбандарының «АЛЖИР» мемориалды-мұражай кешенінің аумағында Қазақстан Республикасының Президент әкімшілігінің қызметкерлерінің, Астана қаласы әкімдігі мен мәслихаты басшыларының, Целиноград ауданы әкімдігі өкілдерінің, сонымен қатар саяси қуғын-сүргінге ұшырағандар мен Қазақстанға күштеп жер аударылғандар ұрпақтарының, шетел елшіліктері мен этно-мәдени бірлестіктері өкілдерінің қатысуымен митинг және Зерде қабырғасына гүл шоқтарын қою рәсімі өтті.
Мұражай аумағында орналасқан Сталиндік вагон, «Қасірет қақпасы» монументі, Ескерткіш белгілер, мүсіндік композициялар – «Күрес және үміт» және «Түңілу мен әлсіздік», Мұражай ғимараты, «Көз жасы» стеласы, Барак туралы экскурсия ұйымдастырылды. Қонақтарға «Алаш», «АЛЖИР» және «Азаттықтың азапты жолы» залдары бойынша экскурсия жүргізіліп, «АЛЖИР»-дің ызғарлы суығы» деректі фильмі, «АЛЖИР»-дің әйгілі есімдері» бейнепанорамалы көрмесі мен «1937 жыл. Ерте солған гүлдер» клипі көрсетілді. Экскурсия соңында қонақтар пікір кітабына саяси қуғын-сүргіндер тарихынан алған әсерін жазып қалдырды. Қонақтарға «ALASH - ALZHIR»екі томдық кітабы сыйға берілді. Экскурсия соңында қонаққа мұражай кешенінің негізгі және ғылыми-көпшілік қорларындағы материалдар бойынша жинақталған «Елбасының бастамасымен ашылған еді» тұңғыш шығарылған каталогы сыйға берілді.
1-4 маусым аралығында «АЛЖИР» мұражайының «АЛЖИР» залында 1 маусым – Халықаралық балаларды қорғау күніне орай «НКВД балалары»атты слайд көрмесі мен дәріс сабағы ұйымдастырылды.
