19-30 қазан аралығында «АЛЖИР» мемориалды-мұражай кешенінің Зерде залында «Қуғын-сүргін тарихына балалық көзқараспен» көшпелі көрмесі ұйымдастырылды. Көрмеге саяси қуғын-сүргін тақырыбына арналған Астана қаласының № 15, № 32 мектеп және Ақмол ауылының № 5 мектеп оқушыларының суреттері қойылды.
4-14 қараша аралығында«АЛЖИР» мемориалды-мұражай кешенінің «Алаш» залында «Алаштың тұңғыш қырандары» бейнепанорамалы көрмесі мен дәріс сабағы ұйымдастырылды. Көрмеде Алаш қайраткерлерінің фотосуреттері көрсетіліп, олардың қазақ халқының ұлттық мүддесін жақтаған істері жайында қысқаша хабарламалар беріледі. Алашордалықтардың арманы қазақ елінде тәуелсіздік орнатып, ұлттық мәдениетіміз бен қазақ халқының толық білім алуы мен ана тілін байытуға жағдай жасау мақсаты болатын.
18 қарашадаэкспозиция және көрме ұйымдастыру бөлімінің аға ғылыми қызметкер Р.Р. Жақсыбаева мен ғылыми қызметкер Б. Жалғасова Қараөткель ауылының № 6 мектебінің оқушыларына «Сол бір зұлмат жылдар» атты слайд көрмесі мен дәріс сабағын ұйымдастырды.
