17-26 желтоқсанда "АЛЖИР" мемориалды мұражай кешенінің "Алаш" залында жазықсыз саяси қуғын-сүргінге ұшыраған мемлекет және қоғам қайраткері Тұрар Рысқұловтың туғанына 120 жыл толуына орай «Өмір көшінде өксіген ғұмыр» көшпелі көрмесі мен дәріс сабағы ұйымдастырылды. Көрмеде Тұрар Рысқұловтың өмірбаяны мен атқарған қоғамдық қызметі жайлы, сонымен қатар «отанын сатқандардың отбасы» ретінде айыпталып, қуғын-сүргінге ұшыраған әйелі Әзиза Рысқұлова, енесі Арифа Есенғұлова, балалары Ескендір, Сәуле, Риданың фотосуреттері қойылды.
Ғылыми-ағарту жұмыстары 8-19 қарашада «АЛЖИР» мемориалды-мұражай кешенінің аға ғылыми қызметкері Кәріпбаев Ж.Т. Астана қаласындағы Л.Н. Гумилев атындағы Еуразия ұлттық университетінің мұражайында өткен алғашқы Қазақ ұлттық мәдениетін ғылыми-зерттеу институтының негізі қаланғанына 80 жыл толуына орай «Қазақстан мен Орталық Азия халықтарының материалды емес мәдени мұрасын зерттеу мәселелері: топономикасы, эпиграфикасы, өнері» атты халықаралық ғылыми-практикалық конференциясына қатысты.
27-28 қарашада Астана қаласындағы Қазақстан Республикасының Ұлттық музейінде өткен «Музей құндылықтарын сақтау мен қалпына келтірудің инновациялық технологиялары» атты Халықаралық ғылыми-практикалық конференциясының жобасына қатысты.
