34. «Нейрохирургия (балалар, ересектер)» мамандығы бойынша медицина кадрларының біліктілігін арттыру және қайта даярлаудың үлгілік бағдарламалары 113. Қосымша медициналық және фармацевтикалық білім беру бағдарламаларын меңгеруге ынталы тұлғалар үшін қажетті алдығңы білім деңгейі – «Емдеу ісі», «Педиатрия», «Шығыс медицинасы», «Жалпы медицина» мамандықтары бойынша жоғары медициналық білім, хирургиялық бейін бойынша интернатура.
114. Оқыту ұзақтығы:
1) «Емдеу ісі», «Педиатрия», «Шығыс медицинасы», «Жалпы медицина» мамандықтары бойынша жоғары медициналық білімі және хирургиялық профильдегі интернатурасы бар мамандар үшін қайта даярлау циклдерінде 1080 сағат/20 апта;
2) біліктілікті арттыру циклдерінде – 54/1-ден 216/4 сағат/аптаға дейін, оның ішінде сертификаттау циклдерінде – 108 сағат/2 апта;
3) Оқу аптасының ұзақтығы 54 сағатты құрайды, оның ішінде 36 – аудиториялық (академиялық) сағат, 18 сағат – тыңдаушының өзіндік оқуы (өздік жұмысы). 1 академиялық сағаттың ұзақтығы 50 минутты құрайды.
115. «Нейрохирургия (ересектер, балалар)» мамандығы бойынша біліктілік арттыру мен қайта даярлау циклдерінде таңдау компоненттерінің ұсынылып отырған тақырыптары (бағыттары) мыналар:
«Орталық жүйке жүйесінің жарақатындағы өзекті мәселелер»;
«Орталық жүйке жүйесінің хирургиясындағы нейроэндоскопиялық араласулар, шағын инвазиялық хирургия»;
«Пластикалық және реконструкциялық микронейрохирургия»;
«Омыртқа және жұлын хирургиясындағы өзекті мәселелер»;
«Хирургиядағы бас миының аневризмі және қан тамырлары маль-формациясының өзекті мәселелері».
