36. «Пластикалық хирургия» мамандығы бойынша медицина кадрларының біліктілігін арттыру және қайта даярлаудың үлгілік бағдарламалары 119. Қосымша медициналық және фармацевтикалық білім беру бағдарламаларын меңгеруге ынталы тұлғалар үшін қажетті алдығңы білім деңгейі – «Емдеу ісі», «Педиатрия», «Шығыс медицинасы», «Жалпы медицина» мамандықтары бойынша жоғары медициналық білім, хирургиялық бейін бойынша интернатура.
120. Оқыту ұзақтығы:
1) «Емдеу ісі», «Педиатрия», «Шығыс медицинасы», «Жалпы медицина» мамандықтары бойынша хирургиялық бейінді интернатурасымен жоғары медициналық білімі бар мамандар үшін қайта даярлау циклдерінде 1080 сағат/20 апта;
2) біліктілікті арттыру циклдерінде – 54/1-ден 216/4 сағат/аптаға дейін, оның ішінде сертификаттау циклдерінде – 108 сағат/2 апта;
3) Оқу аптасының ұзақтығы 54 сағатты құрайды, оның ішінде 36 – аудиториялық (академиялық) сағат, 18 сағат – тыңдаушының өзіндік оқуы (өздік жұмысы). 1 академиялық сағаттың ұзақтығы 50 минутты құрайды.
121. «Пластикалық хирургия» мамандығы бойынша біліктілік арттыру мен қайта даярлау циклдерінде таңдау компоненттерінің ұсынылып отырған тақырыптары (бағыттары) мыналар:
«Білектің пластикалық және реконструкциялық хирургиясының өзекті мәселелері»;
«Иық өрімдерінің пластикалық және реконструкциялық хирургиясының өзекті мәселелері»;
«Пластикалық және реконструкциялық хирургиядағы іріңді хирургияның өзекті мәселелері»;
«Бастың, мойынның, көкіректің, жамбастың, бөксенің, балтыр мен табанның үлкен ақауларының пластикалық және реконструкциялық хирургиясының өзекті мәселелері»;
«Пластикалық және реконструкциялық хирургиядағы реплантология мен трансплантологияның өзекті мәселелері»;
«Ксометикалық хирургияның өзекті мәселелері».
