ҰСАҚ ҚОЛ МОТОРИКАСЫН ДАМЫТУҒА АРНАЛҒАН ОЙЫНДАР
(М.Монтессоридің педагогикалық жүйесі бойынша)
Ойын: “Мүйізіңді көрсет”
Жасы: 1-3 жас аралығы
Қажетті заттар: қатырма қағаз, қайшы, фламастер
Ойын барысы: қатырма қағазға ұлу, жираф, ешкі, сиыр секілді мүйізі бар бір жануардың суретін салып, дәл мүйізі бар тұсын қайшымен қиып аламыз. Қиылған сағылаулардан саусақтарымызды шығарып мүйіз жасаймыз. Балаға қайталауды ұсынамыз.
Ойын: “Мұнара тұрғызайық”
Жасы: 1,5-2,5 жас аралығы
Қажетті заттар: кубиктер
Ойын барысы: балаға кубиктерден мұнара тұрғызу ұсынылады. Соңғы кубикті орналастырғаны жеңілген болып есептелінеді.
Ойын: “Ұяшықтарға сал”
Жасы: 1,5-2,5 жас аралығы
Қажетті заттар: ұяшықтары бар конфет қорабы мен екі түсті өте ірі ілгектер не моншақтар
Ойын барысы: алдымен өзіміз ілгектерді ұяшықтарға
салып көрсетеміз. Бала ұяшықтарға салып үйренген соң, түстеріне сәйкес орналастыруға дағдыландырамыз (алдымен өзіміз үлгі береміз).
Достарыңызбен бөлісу: |
