Жалпы ереже Шығармашылық топ ғылыми-әдістемелік және эксперименттік-тәжірибе, ғылыми-зерттеу жұмысын әдістемелік жағынан қамтамасыз етуге бағытталған білім беру мекемесіндегі әдістемелік жұмыстың құрылымдық бөлімі болып табылады.
Өз жұмысында шығармашылық топ Қазақстан Республикасы «Білім туралы» Заңын, ҚР Білім және ғылым министрлігінің нормативті құжаттарын, білім беру мекемесінің Жарғысын, даму бағдарламасын, тағы басқа актілер мен осы Ережені басшылыққа алады.
Шығармашылық топ негізгі міндеттерді іс жүзіне асыратын ғылыми-әдістемелік жұмыстың біртұтас жүйесін құруды қамтамасыз ететін, білім беру мекемесінің шығармашылықпен жұмыс істейтін мұғалімдердің эксперименттік-тәжірибе, ғылыми-зерттеу жұмысын ұйымдастыру формасы ретінде жұмыс істейді.
Шығармашылық топ өз қызметін білім беру мекемесінің басқа құрылымдарымен, облыстық (ПКБАИ), қалалық /аудандық/ білім бөлімдерімен, облыстағы ЖОО тығыз байланыста жүргізеді.
Шығармашылық топ туралы Ереже білім беру мекемесінің педагогикалық кеңесінде бекітіледі.
