Потенциометрлік титрлеу әдісі (жанама потенциометрия) аналитикалық химияда кең қолданылады. Ол потенциаланықтаушы компонент пен титрант арасындағы химиялық реакция нәтижесінде электродтың тепе-теңдік потенциалының өзгерісін тіркеп, график бойынша эквивалентті нүктені анықтауға негізделген. Индикатор қолданып химиялық әдістермен титрлеуден артықшылықтары: жоғары сезгіштік және дәлдік, нәтижелердің жоғары қайталанылымдылығы және дұрыстығы, лай немесе боялған ерітінділерді титрлеуге мүмкіндік беретіні, қоспадан жеке компоненттерді дифференциалды және сатылы анықтауға мүмкіндік беретіні, титрлеу процесін автоматтандыруға болатындығы.
Потенциометрлік титрлеуді барлық титрлеу типтерінде қолдануға болады: қышқылды-негіздік, комплексонометрлік, тотығу-тотықсыздану және тұндыру титрлеудің эквиваленттік нүктелерін анықтау үшін.
