Методические рекомендации по формированию казахстанского патриотизма обучающихся организации образования через программу «ТУҒан жер»
«Саналы Азамат» базалық жобасы «Туған жер» бағдарламасының үшінші
жүктеу/скачать 2,77 Mb. Pdf көрінісі
|
| «Саналы Азамат» базалық жобасы «Туған жер» бағдарламасының үшінші
бағыты болып табылады. Оның мақсаттары еліміздің даму перспективаларын түсінетін, еңбек нарығындағы жаңалықтармен жете таныс, жаңа технологиялар алып келген жаңалықтарды меңгерген, өзін-өзі кәсіби анықтай алатын және елдің дамуына өзіндік үлесін қосуға даяр, санасы ашық, тұлға тәрбиелеу. Базалық жобаның негізгі міндеттері: 1) білім алушыларға болашақ мамандығын таңдауы үшін кәсіби бағдармен көмектесу; 2) еңбек нарығындағы сұранысты ескере отырып, кәсіпті өзі таңдауына жағдай жасау 3) еңбек нарығында сұранысқа ие мамандықтар тізбесін қалыптастыру, кәсіптік білім алу мүмкіндіктерін насихаттау; 26 4) білім алушының өзі таңдаған кәсіби мамандығына сай дайындығын анықтау. Нәтижелер көрсеткіштері: 1) кәсіби бағдар жұмыстары аясында қамтылған оқушылар саны; 2) Мектептен тыс ұйымдар кешенінде, техникалық және кәсіптік оқу орындары, мәдениет және спорт, ауыл шаруашылығы, өндірістік өзге де нысандарда өткен сабақтар саны; 3) Мәдениет және спорт, білім беру жүйесінде қосымша біліммен қамтылғандар саны; 4) Оқушылар арасында кәсіби саланы насихаттау мақсатында дайындалған бейнероликтер саны. Базалық жобаны жүзеге асыруға арналған төмендегі түйінді шаралар тізімі анықталған: 1) «Бір апта ауылда». Қалада тұратын білім алушыларға арналған жоба; 2) «Бір апта қалада». Ауылдық жерде тұратын білім алушыларға арналған жоба; 3) «Мерей». Өз кәсібінің табыстылары туралы бейнематериалдар; 4) «Алтын қазына». Аймақтық, республикалық сәндік-қолөнер шығармашылығы көрмелері. Жалпы білім беру циклы сабақтары арқылы патриоттық тәрбие беру. 2019-2020 оқу жылында, 2019 жылдың 1 қыркүйегі – Білім күні және Қазақстан Республикасының Конституциясы сабағы «Саналы ұрпақ – жарқын болашақ» атауымен өтеді. Сабақ процесінде патриоттық тәрбие берудің бір үлгісі ғылым, бизнес, мәдениет, медицина және спорт саласында керемет жетістіктерге жеткен «Қазақстанның 100 жаңа есімі» жобасының қаһармандарының өнегелі өмірін үлгі ету. Сабақ мақсатына қаһармандар өмірі мен жетістігі жайлы материалдарды қолдану арқылы жетуге болады. Олардың Тәуелсіздік жылдарында ерен еңбегі білім алушылардың патриоттық сезімін қалыптастыруға ықпал етеді. «Қазақстанның 100 жаңа есімі» ұлттық жобасының жеңімпаздары өз істерімен заманауи трендтерді бейнелейді, инновациялардың жасампаздығына ынталандырады. Жаһандану жағдайындағы қазақстандықтарға заманауи трендтерді және жетістікке жету жолдарын түсіндіру сабақтың басты мақсаты болады: 1. «Жарқын, сапалы білім» тренді – қазақстандық қоғамның ұлттық жобасы. Білім – ең жоғары құндылық, жас ұрпақтың дүниетанымдық көзқарасының алғышарты, бұл әлеуметтің уәждемелі де, мәдени де құрамдас бөлігі, адами капиталы, қаржылық және рухани дағдарысты жеңудің жолы. 2. «Жасампаз, икемді тұлға» тренді – жаңа құзыретті идеяларды түрлендіруге және жүзеге асыруға қабілетті, әдеттен тыс шешімдер табатын және қабылдай алатын, адамның ішкі ресурстарын шығармашылықпен жүзеге асыру және оны өмірлік іс-әрекетте қолдану ықыласы бар креативті, бейімделгіш тұлғалар тәрбиелеу негізінде Қазақстанның табысты, серпінді, инновациялық экономикасы құрылады. 27 3. «Бәсекеге қабілетті, кәсіби тұлға» тренді – мемлекеттің стратегиялық міндеті. Бұл тренд табысқа жетуге бағытталған жаңа көзқарасты адамдар тәрбиелеуді болжайды. Нарықтық қарым-қатынас жағдайында – нақты саланың кәсіпқой маманы, бәсекелесу қабілеті жоғары, қызметінің мақсатын нақты анықтай алатын, нұсқаларды болжай алатын, неғұрлым тиімді және өнегелік орынды жолды таңдай, кәсіби және өмірлік мансабының өсуін дамытуға әсер ете алатын тұлға. 4. «Жоғары ақпараттық мәдениет» тренді – ақпараттық жаңа технологияларды меңгерудің қазіргі кездегі деңгейі, ХХІ ғасырдың адамына қолжетімді күрделі ақпараттық базаны өңдеу, жүйелеу, талдау, оның деректерін моральдық-этикалық аспектіде тұлғалық және кәсіби өсу үшін қолдана білу білігі. 5. «Өмірлік нақты стратегия» тренді – жеке тұлғаның дүниетанымдық бағдарын құруға қажетті компоненттердің біртұтас және көпаспектілі құрылымы, оған: негізгі бағдарлардың өмірлік мақсаттары, адамның өмірлік нақты тұжырымдамаларын құруы, нақты құндылықты бағдардың болуы, өмірлік қиындықтар мен қайшылықтарды жеңуге дайындығы, уақытша сәтсіздіктерден сабақ алу тілегі, нәтижені дұрыс бағалау және т.б. білігі жатады. 6. «Жоғары құзыреттілік» тренді – бұл трендтің мазмұнында келесі аспектілер қамтылған: проблемалық-тәжірибелік – әр адамның жағдайды дұрыс түсінуі, нақты бір кәсіби салада мақсат, міндеттер, нормалар қоюы және оларды орындауы; мағынаның мазмұндылығы– тұлғаның өмірлік стратегияны мазмұнды жүзеге асыру қабілеті, тұлғалық өсуі үшін өзінің шексіз мүмкіндіктерін үздіксіз анықтап отыру ықыласы;аксиологиялық – тұлғаның өзінің көзқарасы және жалпы мәнді құндылықтар тұрғысынан өмірлік жағдаяттарды дұрыс бағалау қабілеті. 7. «Тұлғалық өсу» тренді – ішкі өзгерістер, өзін-өзі жетілдіру, дау- жанжалдарды (ішкі, сыртқы) жеңіп шығу, логикалық шегі жоқ өз әлеуетін анықтау, алға қойылған міндеттерді жүзеге асыру процесі [11]. Осылайша, «Қазақстанның 100 жаңа есімі» жобасы білім алушылардың тұлғалық дамуына, мектепте білім және тәрбие беруде ерекше маңыздылыққа ие болады. Жаратылыстану, гуманитарлық бағыттағы пәндерде жоба жеңімпаздары арқылы патриотизмге тәрбиелеу мұғалімнің жеке педагогикалық шеберлігіне байланысты. Төмендегі кестеде берілген «Қазақстанның 100 жаңа есімі» жобасының жеңімпаздарын оқыту процесінде пайдалануға болады. № 1 кесте. « Қазақстанның 100 жаңа есімі» жобасының жеңімпаздары. жүктеу/скачать 2,77 Mb. Достарыңызбен бөлісу:
|