Методические рекомендации по формированию казахстанского патриотизма обучающихся организации образования через программу «ТУҒан жер»
жүктеу/скачать 2,77 Mb. Pdf көрінісі
|
СРСП 1 оз, СРСП 1 оз
| Бағыты
критерийі «Отан» Кластарға өлке мақтаныштарының есімін беру және ұранын жаттату. «Руханият» «Қара жорға» ұлттық биін қоңырауда мектепішілік билеуді. «Экоәлем» Әртүрлі экологиялық іс-шараларға қатысады. Туған өлкесінің табиғат кешенін, табиғат нысандары мен құбылыстарын, ресурстарын, олардың қазіргі жағдайын және оларды тиімді пайдалану жолдарын зерттеу жобасын қорғайды. «Салауат» Ардагерлер, зейнеткерлер, кемтар жандарға көмектесу «Еңбек» Абаттандыру, жаңғырту, асар жұмыстарына қатысуы. Бұл бағыттар бойынша әрбір сынып командалық бірлікте жұмыс жасайды. Кестеде сынып бойынша өлкетану жұмыстарының мақсаттары берілген. Жас ерекшеліктеріне сай тапсырмаларды орындау барысында түрлі іс шаралар өткізеді [11]. Әрбір сыныпта экспедициялық отряд құрылып, демалыс күндері өлкетанулық саяхатқа шығады. Жинаған материалдарымен мектептегі өлкетану музейін қалыптастырады. Өңірлік меценаттардың «кіші Отанын» көркейту жұмыстарына сынып болып атсалысады. Дәстүрді, парызды, достықты түсінеді. Оқушылар ұйымы атқарған жұмыстарын мектеп сайтына, журналдарына жариялап отырады. Мектеп әкімшілігі тоқсан аяғында көңілді кеш өткізіп үздік шыққан сыныптарды марапаттайды. 2.7.«Асар» мектептегі волонтерлік қозғалыс арқылы патриоттық тәрбие беру. «Туған жер» бағдарламасы бойынша елімізде меценаттық қозғалыс қарқынды жүрді. Кәсіпкерлер, зиялылар, жастар туған жерін абаттандыруға миллиондаған қаржы жинаған. Олар мыңдаған сауапты істер атқарды. Өлкедегі осындай меценаттық қозғалысқа оқушылардың қатысуын ұйымдастыру керек. 76 Оқушылар мектепкі демалыс күндері атсалысқаны дұрыс. Жоғары сынып оқушылары меценаттардың туған өлкені түлетуге бағытталған асарға қатысуы арқылы патриоттық сезімін көрсете алады. «Асардың» мағынасын түсінеді. Буккроссинг, «Құнды сыйлық» акцияларына қатысуы. «Құнды сыйлық» акциясы. Оқушылар мектеп кітапханасына үйінде оқыған кітаптарын сыйлайды. Кітап қорын молайтуға үлес қосады. Мақсаты қайырымдылыққа, ізгілікке, қоғамға қызмет етуге тәрбиелеу. «Буккроссинг» . К ітаптармен алмасу бойынша арнайы орындар ұйымдастыру. Орынды мектеп кітапханасынан немесе мектеп дәлізінен ұйымдастыруға болады. Мақсаты білім алушыларды қайырымдылыққа, достыққа, ізгілікке, кітап оқу белсенділігін арттыруға шақыру. Еліміздегі маңызды шараларды ұйымдастыру жұмыстарына асарлықтардың қатысуы патриотизмнің шынайы үлгісі болады. Елімізде халықаралық деңгейдегі шаралар жиі өтіп тұрады. Елдігіміз сын болатын осындай шараларды ұйымдастыруға оқушылар ерікті түрде қатысады. Әсіресе елді мекенді, тарихи орынды, ескерткішті жақсы білетін оқушылар қоғамға көп пайдасын тигізе алады. Олар шет тілін еркін меңгерген болса шетелдік қонақтарға көмекші болады. Осылайша сауатты жастар еліміздің имиджін көтеруге септігін тигізе алады. Археологиялық қазба жұмысына қатысуы Елді мекенге жақын жерде археологиялық қазба жұмыстары жүргізілсе жоғары сынып оқушылары ата-ана қолдауымен қатыса алады. Олар туған елдің тарихымен танысады және кәсіптік бағдар алады. Мектеп музейіне отбасылық экспонат жинау, муляж жасау. Жоғары сынып оқушылары археологиялық қазба жұмыстарына қатыса жүріп мектептегі өлкетану музейіне экспонаттар жинай алады. Муляждар жасайды. Мәселен ежелгі Ботайлықтардың кірпіш құю әдісін таныстыру үшін арасына жануарлардың сүйектерін қосып кірпіш құюға болады. Сондай-ақ балауыздан жасалған мүсіншелерде әсерлі экспонаттарға жатады. Сонымен қатар, мектепте «отбасылық жәдігер» акциясы арқылы музейді жабдықтайды. Ардагерлер, зейнеткерлер, ерекше қамқорлықты қажет ететін балаларға көмектесу. Белсенді оқушылардан құрылған еріктілер тобына мұқтаж жандарға жан- жақты қызмет көрсетуді ұсынамыз. Еріктілер тобы білім алушының сабақ үлгеріміне, қарт адамдардың ауласын қыста қардан, көктемде мұздан арылтуға көмектесу арқылы патриот екенін көрсете алады. Қағаздар мен тұрмыстық техникалар жинау, «Гүлді калейдоскоп»,«Ең жасыл кабинет», «Жасыл» алтын» байқаулары «Тал күні» жобасы, плоггинг және т.б . тәрізді волонтерлік қозғалысқа оқушылар белсене қатысқаны дұрыс. Экологиялық тәрбие аясында білім алушылар елді мекен территориясындағы жасыл алаңдарды көгалдандыру және абаттандыру бойынша сенбіліктерге, жас көшеттер отырғызу, табиғат аясын қоқыстан тазарту сияқты қоғамға пайдалы еңбекке араласады. Білім алушының патриоттық сезімін қалыптастыруда педагог- 77 ұйымдастырушының қызметі зор. Ол оқу жылында қызықты шараларды ұйымдастырып оқушының ұлтжандылығын оятуы тиіс. Ол үшін іс-шаралар заманауи сипатта болғанын басты назарда ұстаймыз. Мұндай шараларға мерекелік концерт, флешмоб, шеру, республикалық форум, слет, фестиваль, сайыс, байқау және бұқаралық челлендж, экологиялық шараларға қатысуды жатқызамыз. «Экочеллендж» ағылшын тілінен енген сөз. «Шақыру» деген мағынаны білдіреді. Әлеуметтік желілердегі табиғатты тазалауға шақырған челлендждер әлемнің кез-келген түкпіріндегі интернет қолданушыны жаһандық қозғалысқа араласуға үндейді. Оның қарапайым шарты екі суреттен тұрады. Бірінші суретте қоқысқа толы нысан, екіншісі қоқыстан арылған нысан болуы керек. Әлемнің түкпір-түкпірінен адамдар әлеуметтік желілерге фотодерек салуда. Олар өзен-сулардың, жағажайларды, бұлақтарды, тау бөктерін, көшелер, ескерткіштер мен тарихи жерлерді қоқыстан арылтып нәтижесін әлеуметтік желілерде жариялауды жалғастыруда. Қазақстандықтар да жаңа челленджден қалыс қалмады. «Экосельфи» байқауын өткізу. Жастар арасында республикалық байқаудың мақсаты - қоқыс жинау, Instagram әлеуметтік желісінде «бұрын» және «кейін» фотосуреттерін жариялау арқылы қоғамның назарын экологиялық мәселелерге аудару. Ең шығармашылық жұмыстар ай сайын сыйлықтармен марапатталады, ал ерекше жұмыстар эко-сыйлықтармен көтермеленеді. «Экоқалқан». 1997 жылы ресейдің Санкт-Петербуг қаласы сыртындағы «Зеркальный» балалардың шығармашылық сарайында пайда болған. Бастамашылар мектеп мұғалімдері, мектептегі үйірме жетекшілері, қосымша білім беру ұйымдарының педагогтары, еріктілер қозғалыстары болды. «Экоқалқан» мақсаты су аймақтарын ластанудан қорғау. Оқушылар мен олардың ата-аналарының қоршаған ортаға саналы және жауапкершілікпен қарауын экологиялық акциялар арқылы тәрбиелеу. Белсенді азаматтықты қалыптастыру, табиғатты қорғау іс-әрекеті дағдылары, құрдастарымен және ересектермен сындарлы қарым-қатынас тәсілдерін қолдану. Әрі қарай тәжірибе таратуға қабілетті белсенді жасөспірімдер мен жастардың командасын қалыптастыру болып табылады. жүктеу/скачать 2,77 Mb. Достарыңызбен бөлісу:
|