Микробиологиялыќ зертхана

Өсінділік қасиеттері.
Микроаэрофил болғандықтан, 5-10%-ды СО
2
бар ауада жақсы өседі. Қолайлы өсу температурасы 37ºС. Патологиялық
материалдардан қарапайым немесе бауыр, 1% глюкоза мен 2-3%
глицерин қосылған тығыз және сұйық қоректік орталарға, 5%-ды қанды
агарға және элективті орталарға (калий теллуриті мен флоримицин
қосылған ЕПА, калий теллуриті мен қан сарысуы қосылған ЕПА) себінді
жасап, екі апта бойы термостатта ұстайды. 
Сонымен қатар зерттеуге алынған материалдардың бір бөлігін 30 күнге
дейін мұздатқышта (4ºС) ұстайды, өйткені мұндай температурада
листериялардың көбеюі байқалады. Алғашқы себудің нәтижесі теріс
болған жағдайда, мұздатқыштағы үлгілерден әр 10 күн сайын қоректік
орталарға қайтара себінді жасап отырады. 
Листериоз қоздырғышы ЕПС-сын сәл ғана лайлайды, ал ЕПА-да
ұсақ тамшыларға ұқсас колонияларды түзеді (64-сурет). Қан қосылған
агарда олар гемолиз аймағын қалыптастырады. Тығыз қоректік
орталардағы колониялар көкшіл жарық сүзгілерінде жасылтым, ұсақ
түйіршікті көгілдір түсті болып көрінеді. Қоздырғыш спора және
капсула түзбейді. Төменгі температурада (20-22ºС), 6-12 сағат
аралығында сұйық қоректік ортада өсірілген листериялардың
жылжымалық қасиеттері бар.

жүктеу/скачать 6,39 Mb.

Достарыңызбен бөлісу: