Ферментативтік (биохимиялық) қасиеті. Листериялар дульцит,
инулин және раффинозаны ыдырата
алмайды; ал глюкоза, мальтоза,
рамноза, салицин мен трегалозаны
газсыз қышқыл түзе отыра
ыдыратады.
Листериялардың
каталазалық белсенділігін анықтау
үшін ЕПС-да бір тәулік өсірілген
өсіндіге сутегі асқын тотығының 5%-
ды ерітіндісін тең мөлшерде немесе
тығыз қоректік ортадағы өсіндіге
бірнеше тамшы қосады. Газ
түйіршіктерінің (көпіршіктің) пайда болуы листерияларға тән каталаза
ферментінің әсері болып табылады.
Листериоз қоздырғышын шошқа тілмесінің микробынан ажырату
үшін бояулары бар индикаторлық қоректік орталар қолданылады. Бұл
әдіс листериялардың қоректік орталардағы бояуларды
репродукциялауына және оксидациялауына негізделген. Яғни, олар
лакмусты, метилен көгі мен нейтральротты 3-6 сағаттан кейін, ал
конгорот пен амидоқара қосылған қоректік орталарды 6-48 сағаттан соң
түссіздендіреді. Шошқа тілмесі қоздырғышының мұндай қасиеттері жоқ.
Листериоз бен шошқа тілмесі қоздырғыштарын бір-бірінен ажырату
белгілері 6 кестеде көрсетілген.
