ҚР қылмыстық кодексінің 321-бап. Дәрігерлік құпияны жария ету:
1. Медициналық қызметкердiң кәсiптiк немесе қызметтiк қажеттіліксiз адам бойында ВИЧ/ЖҚТБ бар екенi туралы мәлiметтердi хабарлау арқылы пациенттiң сырқаты немесе медициналық куәландыру нәтижелерi туралы мәлiметтерді жария етуi - айлық есептiк көрсеткiштің бір жүзден үш жүзге дейiнгi мөлшерінде айыппұл салуға, не екі жылдан бес жылға дейiнгi мерзiмге белгілі бір лауазымдарды атқару немесе белгiлi бiр қызметпен айналысу құқығынан айыруға, не екі жылға дейiнгi мерзiмге түзеу жұмыстарына жазаланады.
2. Медицина жұмыскерінiң кәсiптiк немесе қызметтiк қажеттiлiксіз пациенттiң сырқаты немесе медициналық куәландыру нәтижелерi туралы мәлiметтердi жария етуi, егер бұл іс-әрекет ауыр зардаптарға әкеп соқса, – белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айыра отырып немесе онсыз, төрт мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не төрт жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланады.
Дәрігерлік қателік — дәрігердің (мед қызметкердің) кәсіби қызметі барысында қасақана емес жіберген қателігі, егер немқұрайлылық болмаған жағдайда.
Сот-медицина эксперті, ғалым Израиль Гамшеевич Вермель медицина қызметкерлерінің пациентті дұрыс емес емдеуі барысында қылмыстық жауапкершілікке тартылады, егер үш жағдай болса:
Медицина қызметкерінің іс-әрекеті объективті дұрыс емес, медициналық жалпыға белгілі ережелеріне қарсы келетін болса;
Медициналық қызметкер білім дәрежесі мен лауазымына қарай өзі жасаған іс-қимылдарының дұрыс еместігін, оның науқасқа тигізер зиянын білуге тиіс еді;
Бұл объективті дұрыс емес іс-әрекеті қолайсыз жағдайларға әкеліп соқты — науқас өлімі немесе денсаулығына айтарлықтай зиян келуі;
