Глюкозаның анаэробты жолмен ыдырауы немесе анаэробты гликолиз оттегі организмге жеткілікті түрде түспей қалған кезінде, /гипоксия/ аздап тірі клетканың тіршілігін қолданылатын бірден-бір жол болып табылады. Анаэробты гликолиз барлық клеткалар мен тканьдерде жүре алады, себебі барлық клеткаларда бұл процестерге қажет ферменттер тобы жеткілікті мөлшерде болады. Ал митохондриі болмайтын эритроциттерде, анаэробты гликолиз оған қажетті АТФ-пен қамтамасыз ететін негізгі жол болып табылады.
Анаэробты гликолизді екі кезеңге бөлуге болады:
дайындық кезеңі
гликолиттік тотығу-тотықсыздану реакциялары
Дайындық кезеңінде глюкозадан екі молекула триоза, яғни 3-ФДА мен 3-ФГА түзілуі байқалады. Гликолиттік тотығу- тотықсыздану реакциялары кезіңде 3ФГА тотығып, 1,3дФГҚ айналу нәтижесінде НАДН Н+ түзіледі. Енді бұл НАДН Н+ анаэробты гликолиздің соңғы реакциясы ПЖҚың сүт қышқылына айналуына жұмсалады.
Анаэробты жолмен глюкозаның ыдырауы кезінде 4 молекула АТФ субстратты фосфорилдену нәтижесінде түзіледі, оның екеуі гликолиздің басында жұмсалған екі АТФ молекуласын өтесе, екі молекуласы энергетикалық шығымы болады.
