http://www.adebiet.kz/index.php?option=com_content&task=view&id=2285&Itemid
=23
Ақ құйын болсаң, мені де ал тербеттіп,
Ауырса жаның дауылдарға ал емдетіп,
Көлденең сөзге құлағың салма,
Пендеде болуы мүмкін кем-кетік.
Күле алмай қалсаң, ойлардан ауыр іш тұнып,
Қалшылдап тоңсаң аяздар қарып үскірік.
Өзіңе қастық жасаған жанның есігін
күліп аш. Ол да күштілік!
Ақ Жайық
http://www.adebiet.kz/index.php?option=com_content&task=view&id=2313&Itemid=23
Ақ Жайық сенсің әр кез сыйынарым,
Сен десе жыр жолы боп құйыламын.
Әзірше жыл өткізбей келіп тұрам,
Кім білсін неше келу бұйырарын.
Ақ Жайық, сенсің әр кез сыйынарым,
Сен десе жыр жолы боп құйыламын.
Әзірше жыл өткізбей келіп тұрам,
Кім білсін неше келу бұйырарын.
Сені айтса жанарымда күлкі ойнаған,
Көңілі орта болса шырқай ма адам?
Жағаңда өскен кезде жай өзен ең,
Бұл күнде сені көру бір той маған.
Ағысың айдынындай ой-кеменің,
Жағанда жазылды алғаш ойлы өлеңім.
Жүздесу өзіңменен той дедім-ау,
Тірлікте көп те болмас той дегенің.
Сырлы әнін сан ғасырдың жиған ағын,
Жағанда туғандарға сыйла дарын.
Келерде жас балаша қуанам да,
Кетерде қимастықпен қиналамын.
Достарыңызбен бөлісу: |
