Нұсқаулар Республикалық қосымша білім беру оқу-әдістемелік орталығының әдістемелік кеңесінде қаралып, баспаға ұсынылған
жүктеу/скачать 0,66 Mb.
|
- Бұл бет үшін навигация:
- Функционалдық қызметі бойынша
- Ұйымдастыру түрі бойынша
- Іске асыру мерзімі бойынша
| Мазмұны бойынша:
спорттық-техникалық; ғылыми-техникалық; денешынықтыру-спорттық; көркемдік-эстетикалық; туристік-өлкетану; экология-биологиялық; әскери-патриоттық; әлеуметтік-педагогикалық; оқу-сауықтыру және т.б. Функционалдық қызметі бойынша: бос уақытын тиімді өткізу; оқу-танымдық; бейін алды даярлық; арнайы; жалпы мәдени; қолданбалы. Ұйымдастыру түрі бойынша: жеке бағдарлық; топтық; клубтық; үйірмелік; студиялық; көпшілік. Іске асыру мерзімі бойынша: қысқа мерзімді; жылдық; екі жылдық, үш жылдық; ұзақ мерзімді. Педагогикалық іс-әрекетті ұйымдастыру мазмұны мен үдерісінің түрі бойынша: Кешенді бағдарламалар – нақты түрде жекелеген салаларды, бағыттарды, іс-әрекет түрлерін біртұтас етіп біріктіретін бағдарлама. Кіріктірілген бағдарламалар – тұтастықты осы немесе бөтен бірлік негізінде біріктіретін, қайта қалпына келтіретін бағдарлама. Модульдік бағдарламалар – өз бетінше, тұрақты, тұтас блоктардан тұратын, мазмұны ұйымдастыру тәсілі бойынша құралған бағдарлама. Үздіксіз бағдарламалар балалардың жас ерекшелігі, топтпғы бала саны, қалыпты жағдайды және т.б. ескерілетін бағыттар бойынша материалмен қамтылады және өлшенеді. Жалпы дамыту бағдарламалары, ең алдымен, баланың жалпы мәдениетін қалыптастыру, оның өмір және өзі туралы білімін, әлеуметтік тәжірибесін кеңейту жөніндегі міндеттерді шешуге бағытталған. Мұнда баланың танымдық қызығушылығын қанағаттандыру, нақты білім саласы бойынша ақпарат алуын кеңейту, қарым-қатынас дағдысын және бағдарламаны меңгеруде бірлескен әрекетін арттыру көзделеді. Арнайы бағдарламалар балалардың қабілеттерін ашуға және әрі қарай дамытуға, таңдап алған іс-әрекет бойынша нақты білім мен дағдыларды меңгеруге бағытталады. Бұл бағдарламалар жеке саладағы біліктілікті дамытуға, меңгерген дағдыны іс жүзінде қолдануға машықтануға жетелейді. Кәсіптік-бағдарлы бағдарламалар балаларды өмірдегі кәсіптік саланың бірімен танысуға, өзінің жеке мамандық таңдауға, кәсіптік білім мен шеберлік негізін үйренуге жағдай тудырады. Бұл бағдарламалар қандай да болмасын пәндік немесе практикалық салада білімділіктің жоғары көрсеткіштерін иеленуді, мәселені тану білігін, міндеттерді айқындау, оларды шешу жолдарын іздеуді қарастырады. Танымдық бағдарламалар оқытылатын пән бойынша терең білім береді, зияткерлік қабілетін дамытады, балалардың танымдық әрекетін, дүниетанымын дамытуға бағдарланған. Танымдық бағдарламалар төмендегідей болып бөлінеді: өнімді; өнімсіз; шығармашылық; ізденушілік. Ғылыми ізденуге бағдарланған бағдарлама оқушылардың ғылыми әрекетке деген шығармашылық қабілетін ашады және дамытады, зерттеу жұмысы үшін қажетті дағдыларды қалыптастыруға, өзінің авторлық идеяларын іске асыра алуға бағытталады. Әлеуметтік бейімдеу бағдарламалары балаларды жағымды әлеуметтік тәжірибені, әлеуметтік рөлдер мен қалыптасқан тәртіпті, құнды бағдарлауды меңгеруге бағыттайды. Кәсіптік-қолданбалы бағдарламалар бүгінгі күні практикалық іс саласында өзекті болып отырған нақты дағды мен білікті меңгертеді, кәсіби білімді, білікті, дағдылы маманды қалыптастырады. Спорттық-сауықтыру бағдарламалары салауатты өмір салтын, денсаулықтың алдын-алу және түзету жүйесін дамытуды насихаттайды жән жүзеге асыруға көмектеседі. Көркемдік дарындылықты дамыту бағдарламалары дарындылықты анықтауға, сақтауға және дамытуға бағытталады. Бос уақытты тиімді өткізу бағдарламасы жеке тұлғаның бос уақытын белсенді әрекетпен, эмоционалды әрі психологиялық тұрғыда жайлылықпен толықтырады. жүктеу/скачать 0,66 Mb. Достарыңызбен бөлісу:
|