Тәрбиеші баланың ойын дамыту үшін күз туралы бір шумақ өлең оқиды.
Тәрбиеші: - ақ лақ суретті жақсы салып үйреніпті, енді біз түсіп жатқан жапырақтарды салып үйренейік. Ол үшін қылқаламды қолымызға ұстап, бояуға батырып аламыз да, былай сүйкей жағамыз (өзі үлгі түрінде бірнеше жапырақ салып көрсетеді).
Балалардың суреттерін Толғанай екеуі аралап көреді. Аяқталған жұмыстарды тәрбиеші жинап алып тақтаға іледі. Толғанай балалардың еңбекқорлығына таңданып, салған жұмыстарына ризашылығын білдіріп, мадақтайды.
Толғанай: - Ақ лақ, менің себетімді балаларға әкеліп бергенің қандай жақсы болды. Балалардың бәрі сурет салуды үйреніп алыпты, менде енді сендерден сурет салуды үйренемін. Мен ссендерге арнап ақ лақ туралы тақпақ айтып берейін бе?
Жүні жібек шудадай
Ақ мүйізді аппағым.
Үстіңді жүр былғамай,
Баспа жердің батпағын.
Ақ лақ: - Рахмет, Толғанай, мен айтқан тілді аламын. Балалар ұқыпты, таза жұмыс істеуді үйреніпті, енді мұнда екеуіміз бірге келетін боламыз. Ал қазір бәріміз бірігіп ойын ойнасақ қайтеді. «Балабақша бағында» музыка әуені ойналады.
|
