Объединение юридических лиц в форме ассоциации «общенациональное движение «бобек»
Тірек сөз: студент, логикалық ойлау, бейнелі ойлау, оқу процесі, іс- әрекет, білім беру
жүктеу/скачать 3,05 Mb. Pdf көрінісі
|
Сборник МНПК
| Тірек сөз:
студент, логикалық ойлау, бейнелі ойлау, оқу процесі, іс- әрекет, білім беру. Қазіргі кездегі қоғамда болып жатырған нарықтық-эканомикалық, саяси-идиологиалық және әлеуметтік өзгерістер, оның міндеттерін өз бетінше шеше алатын, ортаға бейімделгіш, жан-жақты үйлесімді дамыған жаңа адамды қалыптастыруды қажет етеді. Мұның өзі болашақта өздерінің кәсіби мамандығын практик-психолог секілді іс-әрекеттің күрделі түрімен ұштастыратын студенттердің жеке тұлғасын барынша дамыту мәселесімен тығыз байланысты. Қазіргі кездегі білім берудің жүйесі күрделі жағдайлардағы мәселелерді шешуге қабілетті, меңгерген білімдерін тиісті жерінде қолдана алатын шығармашылық көзқарасы бар тұлғаларды қалыптастыруға бағытталған. Сондықтан, студенттердің жеке тұлғасын қалыптастыруда, олардың шығамашылық ойлауының дамуы маңызды рөл атқарды. Адамның шығармашылық іс-әрекеті ойлаудың екі түрінен, атап айтқанда логикалық және бейнелі ой процесінен айқын көрінеді. Логикалық ойлау деп адамның міндеттерді шешу үстінде ұғымға, сөзге не пікірге сүйеніп ойша әрекет етуін айтады. Ал бейнелі ой деп адамның міндеттерді шешу үстінде ұғымға, сөзге не пікірге емес, сезім мүшелері арқылы келіп түскен заттардың бейнелеріне сүйеніп ойша әрекет етуін айтады. Бұның бәрі адамның ми қызметіне байланысты. Әдетте адамның бас миының қызметі оң және сол жақ жарты шарларға бөлінетіні белгілі. Жүргізілген ғылыми зерттеу жұмыстарының нәтижелеріне жүгінсек, онда мидың сол жақ жарты шарлары басым қызмет атқаратын адамдар көбіне сөздік белгілерге, ұғымдарға сүйеніп ойша жақсы әрекет ететіндігі анықталған [1, 23 б.]. Ал мидың оң жақ жарты шарлары басым қызмет атқаратын адамдар көбіне әр алуан әуендер мен күрделі объектілердің бейнелеріне сүйеніп ойша жақсы әрекет ететіндігі белгілі болған [1, 24 б.]. Басқаша айтқанда, мидың сол жақ жарты шарлары басым қызмет атқаратын адамдар сөздік- логикалық ойлауға бейім келсе, мидың оң жақ жарты шарлатқары басым қызмет адамдар көрнекі-бейнелі ойлауға икемді келеді екен. Ш.С. Бәйтікованың айтуына қарағанда бейнелі немесе сөздік-логикалық ойлауға негізделген адам психологиясының даралық ерекшеліктері ми жарты шарларының қайсысы басым қызмет атқарады, міне бұл осыған байланысты [1]. Мысалы, И.П. Павлов мидың оң жақ жарты шары басым қызмет атқаратын «суретшілер» типіне жататын адамдар бейнелі |