«Құбыр құбырда» типіндегі жылуалмасқыштарүлкен диаметрлі бірнеше сыртқы құбырлардан және олардың ішінде орналасқан кішкентай диаметрлі құбырлардан тұрады. Ішкі және сыртқы құбырлар бір-бірімен буын мен түтіктер көмегімен қосылған. Жылутасығыштардың бірі І – ішкі құбыр бойымен, ал екіншісі ІІ – ішкі және сыртқы құбырлармен қалыптасқан сақиналы канал бойымен қозғалады. Жылуалмасу ішкі құбырдың қабырғасы арқылы жүзеге асады.
Жылан түтікті жылуалмасқыштаржылан түрінде иілген және сұйық орталы аппаратқа салынған құбыр болып табылады. Жылутасығыш жылан түтіктің ішінде қозғалады. Жылан түтікті жылуалмасқыштардың артықшылығы – жасау қарапайымдылығы. Бірақ бұндай жылуалмасқыштар абажадай және тазарту қиынға соғады. Бұл жылуалмасқыштарды конденсатты қыздыру және суыту үшін қолданады.
