Қоғамдық денсаулық сақтау
Қоғамдық денсаулық сақтау комитеті қызметін ұйымдастыру туралы сипаттап жазыңыз
жүктеу/скачать 55,8 Kb.
|
Kogamdyk Densaulyk Saktau
| 11.Қоғамдық денсаулық сақтау комитеті қызметін ұйымдастыру туралы сипаттап жазыңыз.
Ол 2016-2019 жылдарға арналған «Денсаулық» мемлекеттік бағдарламасының басым бағыттарының бірі – қоғамдық денсаулық сақтау қызметін құру екенін атап өтті. Оны құрудың мақсаты қоғамдық денсаулық сақтау мәселелері бойынша мүдделі тараптардың күш-жігерлерін біріктіру болып табылады. Қоғамдық денсаулық сақтау жүйесінің міндеті аурудың алдын алу және қоғамның денсаулығына мемлекет пен халықтың ортақ жауапкершілігін арттыру болып табылады. «Соңғы жылдары Қазақстанда созылмалы инфекциялық емес ауруларды диагностикалауға және емдеуге шығындардың өскені байқалады. Бұл мемлекеттің денсаулық сақтауға бағытталған барлық шығындарының 95-96 пайызын құрайды, ал профилактикаға 3 пайыз ғана жұмсалады. Осыған байланысты, күнделікті әдеттерді қалыптастыру мақсатында әр қазақстандық үшін өмірдің сапасы мен ұзақ өмір сүрудің кепілі болатын тиімді шаралар қабылдау қажет. Осы шараларға қоғам көбірек қаражат жұмсауы керек. Сол кезде мемлекет пен халық ауруларды емдеуге аз қаражат жұмсайтын болады», деп атап өтті А.Есмағамбетова. Сондай-ақ 2016 жылы ДДСҰ сарапшыларымен бірлесіп қоғамдық денсаулық сақтаудың негізгі қызметінің өзін өзі бағалауы жүргізілгенін хабарлады. Зерттеудің нәтижелері күшті және әлсіз тараптарды айқындады. Толық заңнамалық және нормативтік базаның болуы, «Денсаулық» мемлекеттік бағдарламасының іске асырылуы, мемлекеттік қаржыландыру және профилактикалық іс-шаралардың іске асырылуы қоғамдық денсаулық сақтау мәселелерінде жетістіктерге жетуге мүмкіндік бергенін мәлімдеді. «Жүргізілген бағалаудың нәтижелерін, сондай-ақ қоғамдық денсаулық сақтау мәселелері бойынша мүдделі тараптардың күш-жігерлерін біріктіру қажеттілігін ескере отырып, осы жылы Қоғамдық денсаулық сақтау қызметі құрылды. Денсаулық сақтау министрлігінің және барлық өңірлердің денсаулық сақтау басқармаларының құрылымдық бөлімшелері құрылды. Қызметтің жұмысы сәбилерді вакцинациялау мен мектеп медицинасынан, сау мінез-құлықтан, экологиялық қауіпсіздіктен, жастар мен ересектер арасында еңбек гигиенасынан бастап тамақтануды оңтайландыру мен қарт адамдарда созылмалы дегенеративті аурулардың алдын алуға дейінгі өмірдің барлық кезеңіне бағытталған. Мұның барлығы қазақстандықтардың өмір сүру ұзақтығын ұлғайту және тұрмыс сапасын жақсарту бойынша Елбасының қойған міндеттерін орындауға бағытталған», деді ол. жүктеу/скачать 55,8 Kb. Достарыңызбен бөлісу:
|