Романовский қойы — қылшық жүнді, терісінен бағалы тон тігілетін қой тұқымы. 18 ғасырда Ярославль губерниясында жергілікті қысқа құйрықты қой тұқымдарын өзара іріктеу және сұрыптау нәтижесінде шығарылған. Романовский қойының сүйегі ірі, жақсы дамыған. Басы шағын, етсіз, дөң маңдайлы, құлақтары тік. Денесі жұмыр, шоқтығы мен арқасы, құйымшағы түзу, құйрығы қысқа (8 — 10 см). Аяқтары мықты, тік, аралары алшақ. Желіні үлкен, терісі тығыз әрі жеңіл, қылшығы түспейтіндіктен тон тігуге өте қолайлы. Қошқарының салмағы 65 — 75 (100 кг) кг-ға, саулығының салмағы 48 — 55 (80 кг) кг-ға дейін жетеді. Сойыс шығымы – 43-47%.
