Құрамы және құрылыс ерекшеліктеріне байланысты дентинде айқын зат алмасу үрдістері өтіп жатады.
Құрамы және құрылыс ерекшеліктеріне байланысты дентинде айқын зат алмасу үрдістері өтіп жатады.
Алдымен бұл дентин ақуызына байланысты. Коллаген моелкуласы аминқышқыл құрамының жаңаруына әкелетіні мәлім. Дентин каналдарының және дентин сұйықтығының бар болуы органикалық және бейорганикалық заттардың алмасуына жағдай жасайды.
Зат алмасудың клиникалық дәлелі ретінде тістің қатты тіндеріне әсер еткенде дентиннің құрамы және құрылысының өзгеруін айтуға болады: созылмалы механикалық жарақат, химиялық, жастық өзгерістер және т.б.
Гистологиялық зерттеулер бойынша, предентинде жүйке тармақтары бар, олар сезімтал болып келеді.
Дентиннің сезімталдығы туралы екі теория бар.
Avey, Repp (1959) анықтаған: одонтобласттардың дентиндік өсінділерінің барлық бойында ацетилхолинэстеразаның көп мөлшері бар екендігін анықтаған. Ацетилхолинэстераза-жүйке импульстерін тасымалдауда үлкен роль атқарады. Осының негізінде, авторлар ауру тітіркендіргіштерін қабылдау және тасымалдау одонтобласттар өсінділері бойымен жүретіндігін болжаған.
Branstrom (1966) тітіркендіргіштер әсері кезіндегі ауру сезімі пайда болуының гидродинамикалық механизмі теориясын ұсынған.
Branstrom (1966) тітіркендіргіштер әсері кезіндегі ауру сезімі пайда болуының гидродинамикалық механизмі теориясын ұсынған.
Автор, дентин бұл дентин сұйықтығына толы дентин түтікшелеріне бай тін екендігіне сүйенген. Дентинге түсірілген кез келген әрекет дентин сұйықтығының қозғалуы ұлпаның рецепторлық аппаратына әсер етіп ауру сезімін тудырады.
Тәжірибелік зерттеулер барысында, дентин бетін кептіргенде, сонымен қатар, егеу кезіндегі тістердің қатты тіндерінің қызуы кезінде одонтобласт ядросы өсіндіге ығысуы жүреді. Бұл құбылыс өсіндідегі айқын физико-химиялық өзгерістердің пайда болуымен сипатталады.
